बॉयफ्रेंड कडून गर्लफ्रेंड ला सार्वजनिक ठिकाणी जीवे मारण्याचा प्रयत्न 

अमरोहा / नवप्रहार ब्युरो

प्रेमात जोडपे एकमेकांसाठी जीव की प्राण असतात. एकाला त्रास झाला की दुसऱ्याला त्याचा भास होतो. प्रेमात जोडपे जीवाला जीव दयायला तयार असतात.काही वेळा मनासारखे न झाल्यास ते जीव घेण्यास देखील मागेपुढे पाहत नाहीत. बॉयफ्रेंड कडून गर्लफ्रेंड ला सार्वजनिक ठिकाणी जीवे मारण्याच्या झालेल्या धक्कादायक प्रकरणांनातर नागरिकांनी या बॉयफ्रेंड ला चांगलेच चोपले.

प्रेमात माणूस इतर सगळं विसरून जातो, असं म्हटलं जातं. मात्र अनेकदा हे प्रेमच अतिशय भयानक रूप घेतं. जोडप्यामधील एकाने दुसऱ्यासोबत अतिशय धक्कादायक कृत्य केल्याच्या किंवा हत्या केल्याच्याही घटना समोर येत असतात.

आता आणखी एक धक्कादायक घटना उत्तर प्रदेशमधून समोर आली आहे. या घटनेचा व्हिडिओ सोशल मीडियावर व्हायरल झाला आहे.

प्रेम ही खरं तर सहजसुलभ भावना आहे. आजकाल लोक प्रेमासाठी काहीही करण्यास तयार असतात. प्रेमासाठी विरोध, मरण पत्करण्याचीदेखील लोकांची तयारी असते. अगदी अशाप्रकारच्या घटनांविषयी आपण बऱ्याचदा वाचतो, ऐकतो. मात्र हेच प्रेम जेव्हा भयानक रूप धारण करतं तेव्हा सगळं संपत. सध्या समोर आलेल्या प्रकरणातही असंच काहीसं घडलं आहे. उत्तर प्रदेशच्या अमरोहामध्ये एक धक्कादायक घटना घडली आहे. या गावामध्ये एका माथेफिरु बॉयफ्रेंडने त्याच्या गर्लफ्रेंडचा गळा दाबून मारण्याचा प्रयत्न केला. रस्त्यावरुन जाणाऱ्या विद्यार्थ्यांनी त्या तरुणीचा जीव वाचवला. या व्हिडीओमध्ये तुम्ही पाहू शकता, हृदयाचा थरकाप उडवणाऱ्या या घटनेचा व्हिडीओ लोक मोबाईलमध्ये शूट करत होते, तर फार कमी लोक तरुणीचा जीव वाचवण्यासाठी पुढे आले. हल्ला झाल्यानंतर तरुणी बेशुद्ध पडली. त्यानंतर तिला रुग्णालयामध्ये दाखल करण्यात आले. पोलिसांनी माथेफिरु तरुणाविरोधात गुन्हा दाखल केल्याची प्राथमिक माहिती समोर आली आहे.

मिळालेल्या माहितीनुसार, बेशुद्ध पडलेली तरुणी आणि तिचा बॉयफ्रेंड मागील चार वर्षांपासून एकत्र आहेत. दुसऱ्या मुलांशी मैत्री केल्याने बॉयफ्रेंडने हा जीवघेणा हल्ला केला असा अंदाज वर्तवला जात आहे. घटनेची माहिती मिळताच पोलीस रुग्णालयात पोहोचले. त्यांनी तरुणीच्या बॉयफ्रेंडविरोधात गुन्हा दाखल केला आहे. स्थानिक पोलीस माथेफिरु बॉयफ्रेंडचा शोध घेत आहेत.

सोशल मीडियावर @IndianTrendX नावाच्या एक्स अकाऊंटवरुन हा व्हिडीओ सोशल मीडियावर व्हायरल झाला आहे. यावर आता नेटकरी संताप व्यक्त करत आहे. दिवसाढवळ्या अशाप्रकारे घटना वारंवार घडत असल्यानं आता महिलांच्या सुरक्षेचा प्रश्न पुन्हा उपस्थित होतोय.