21 वर्षीय तरुणी कडून जबरदस्तीने करून घेतला जात होता देहव्यापार 

गुप्त माहितीच्या आधारावर पोलिसांचा छापा, तरुणीची सुटका 

लातूर / क्राईम रिपोर्टर 

                    लातूर पोलिसांनी देहव्यापार सुरू असलेल्या फ्लॅट वर धाड टाकत या धंद्यात जबरदस्तीने आणलेल्या 21 वर्षीय तरुणीची सुटका करत दोन आरोपींना अटक केली आहे. तर एक घटनास्थळा वरून फरार झाला आहे.

पोलिसांनी दिलेल्या माहितीनुसार, संबंधित फ्लॅटमध्ये देहव्यापार सुरू असल्याची माहिती मिळाली होती. त्यानुसार पोलिसांनी नियोजनपूर्वक छापा टाकला. यावेळी 21 वर्षीय तरुणी आढळून आली. प्राथमिक तपासात तिला जबरदस्तीने देहव्यापाराच्या व्यवसायात ढकलण्यात आल्याचे समोर आल्याची माहिती पोलिसांनी दिली.

छाप्यादरम्यान पोलिसांनी दोन संशयितांना ताब्यात घेतले. मात्र, या प्रकरणातील आणखी एक व्यक्ती पोलिसांची कारवाई सुरू असताना घटनास्थळावरून पळून जाण्यात यशस्वी झाली. फरार संशयिताचा शोध घेण्यासाठी पोलिसांकडून प्रयत्न सुरू आहेत.

सुटका करण्यात आलेल्या तरुणीला आवश्यक मदत आणि संरक्षण देण्याची प्रक्रिया सुरू आहे. या प्रकरणी पोलिसांनी संबंधितांविरुद्ध गुन्हा दाखल केला असून, देहव्यापाराच्या रॅकेटमध्ये आणखी कोणाचा सहभाग आहे का, याचा तपास केला जात आहे.