अचानक घरी आले आई वडील नोकराला मुलीसोबत बघितले नको त्या अवस्थेत अन्…..

बेंगळुरू / क्राईम रिपोर्टर

        आपल्या १९ वर्षीय मुलीला आई आणि वडिलांनी त्यांच्या कारखान्यात काम करणाऱ्या मुलासोबत नको ती अवस्थेत पाहिले.आणि वडिलांचा पारा चढला त्यांनी नोकराला बॅट आणि लोखंडी पाईप ने मारहाण केली. या निपचित पडल्याचे पाहून त्याला ऑटो मध्ये टाकून रुग्णालयात नेण्यात आले. डॉक्टरांनी त्याला मृत घोषित केले. त्यानंतर मालकाला अटक करण्यात आली.  कर्नाटकातील बंगळुरुमध्ये ही धक्कादायक घटना घडली.

मृताचे नाव किरण (वय अंदाजे २२ ते २४ वर्षे) असून, तो केरळमधील पलक्कड जिल्ह्यातील पट्टाम्बीजवळील तिरुवेगाप्पुरा येथील रहिवासी होता. आरोपी आनंदराज हा मूळचा तमिळनाडूचा असून तो येलाहांकाजवळील कोगिलू रोडवर व्यावसायिक गाड्या (कार्ट्स) आणि स्वीट कॉर्न तयार करणारी यंत्रे बनवण्याचा व्यवसाय चालवतो. येलाहांका पोलिसांनी हत्येचा गुन्हा दाखल केला असून डॉक्टरांनी किरणला मृत घोषित केल्यानंतर काही वेळातच आनंदराजला एका स्थानिक रुग्णालयातून अटक करण्यात आली.

दोन वर्षांपासून प्रेमसंबंध

मयत किरण गेल्या दोन वर्षांपासून आनंदराजच्या कारखान्यात काम करत होता. या काळात त्याचे आनंदराजच्या १९ वर्षीय मोठ्या मुलीसोबत प्रेमसंबंध निर्माण झाले होते. मुलगी म्हैसूरमध्ये ‘प्री-युनिव्हर्सिटी कोर्स’ करत होती. आनंदराजचा सुरुवातीपासूनच या नात्याला तीव्र विरोध होता.
आई-वडील अचानक घरी परतले

सलग सुट्ट्यांमुळे ती तरुणी बंगळुरुमधील आपल्या घरी परतली होती. मंगळवारी सकाळी आनंदराज आणि त्याची पत्नी, आपण तमिळनाडूला जात असून रात्री उशिरा परत येऊ, असे सांगून घराबाहेर पडले. त्यांच्या जाण्यानंतर काही वेळातच किरण त्या तरुणीला भेटण्यासाठी कोगिलू क्रॉसजवळील त्यांच्या घरी आला. मात्र, काही तासांतच आनंदराज आणि त्याची पत्नी अनपेक्षितपणे घरी परतले आणि त्यांना किरण व ती तरुणी एका खोलीत एकत्र आढळले.बॅट आणि पाईपने मारहाण

हे पाहून संतापलेल्या आनंदराजने तातडीने आपल्या मुलीला चिकबल्लापूर येथील नातेवाईकाच्या घरी पाठवून दिले आणि किरणला घरात कोंडून घेतले. त्यानंतर क्रिकेट बॅट आणि लोखंडी पाईपचा वापर करून त्याने किरणवर भीषण हल्ला केला. या मारहाणीत किरणच्या हाताला, पायाला आणि पोटाला गंभीर दुखापत झाली आणि तो बेशुद्ध होऊन खाली कोसळला.