पालकांनो सावधान ! मुलांवर लक्ष ठेवा नाहीतर घडू शकतं भयंकर 

नवी दिल्ली  / नवप्रहार मीडिया 

               मुलांच्या परीक्षा आटोपल्या आहेत.परीक्षा आटोपल्याने आता मुलांसोबत पालक देखील बेफिकर झाले आहेत. चाकरमाने आपल्या ड्युटीवर निघून जातात.तर दुपारच्या वेळेस हाऊस वाईफ असलेल्या गृहिणी घरकाम आटपून कुलर किंवा एसी च्या हवेत आराम करतात. अश्याया वेळेस मुलं के करताहेत याकडे त्यांचं लक्ष नसतं. आणि याच गोष्टीचा फायदा घेत उनाड वय असलेली मुलं असे काही करतात की ते त्यांच्या जीवावर बेतू शकते. अर्थात त्यांना या गोष्टीची समज नसल्यानेच ते हे सर्व करतात.त्यामुळे त्यांच्यावर लक्ष देणे ही पालकांची जबाबदारी आहे.

बऱ्याचदा लहान मुले पालकांना न सांगताच कुठेही खेळण्यासाठी जातात. असाच काहीसा प्रकार सध्या समोर आलेल्या व्हिडीओमध्ये पहायला मिळतोय. दोन मुलं भल्यामोठ्या बिल्डिंवर खेळत असल्याचा व्हिडीओ समोर आलाय. भल्यामोठ्या बिल्डिंगच्या छतावर जाऊन दोन मुलं एका अपार्टमेंटवरुन दुसऱ्या अपार्टवर उडी मारत आहेत. त्यांचा हा धोकादायक खेळ व्हिडीओमध्ये कैद झालाय. व्हिडीओ पाहिल्यावर तुमचेही डोळे मोठे होतील.

समोर आलेल्या व्हिडीओमध्ये तुम्ही पाहू शकता, दोन मुलं बिल्डिंगच्या छतावर धोकादायक खेळ खेळत आहे. दोन बिल्डिंगच्या मध्ये असलेलं अंतर पार करुन स्टंटबाजी करत आहेत. त्यातील एक मुलगा तर फारच छोटा आहे आणि दुसरा थोडा मोठा असून तो एका बिल्डिंगवरुन दुसऱ्या बिल्डिंगवर उडी मारतोय. बिल्डिंग एवढी उंच आहे की थोडासाही तोल गेला असता तर त्यांचा थेट मृत्यूच झाला असता.

समोरील एका बिल्डिंगमधील व्यक्तीनं हा व्हिडीओ काढला आहे. @crazyclipsonly नावाच्या X अकाऊंटवर हा व्हिडीओ शेअर केला असून 1 मिनीट 21 सेकंदांचा हा व्हिडीओ आहे. हा व्हिडीओ शेअर करत यांचे पालक कुठे आहेत हा प्रश्न विचारला आहे.

व्हिडीओ इंटरनेटवर व्हायरल होताच अनेकांनी या कृतीवर संताप व्यक्त केलाय तर काहींनी त्या मुलांविषयी चिंता व्यक्त केलीय. व्हायरल होत असलेली ही घटना चीनमधील आहे. श्वास रोखणारा हा व्हिडीओ सध्या तुफान व्हायरल होतोय.