मुली पटवण्याची पैज आणि आपसी वाद यामुळे आले प्रकरण उघडकीस
वादानंतर रागात व्हिडिओ अपलोड
अयानचा परिचित असलेल्या एका स्थानिक राजकारण्याने सांगितलं की, अयान आणि उझर यांच्यात पैशांवरुन वाद झाला होता. त्यानंतर उझरने संतापाच्या भरात ते व्हिडिओ ऑनलाइन अपलोड केले. अयान अहमद हा एमआयएमचा माजी सदस्य आहे. तो अमरावतीसाठी पक्षाच्या सोशल मीडियाचे कामकाज सांभाळत असे.
माफी मागून निघाला
अचलपूर नगर परिषदेचे नगरसेवक मुजीब रशीद यांनी दिलेल्या माहितीनुसार, गेल्या दोन आठवड्यांपासून अयान अहमदचे व्हिडिओ व्हायरल होण्यास सुरुवात झाली होती. “दहा दिवसांपूर्वी मला या व्हायरल व्हिडिओंबद्दल समजलं होतं, तरीही मी ते प्रत्यक्ष पाहिलं नव्हतं. मी त्याला गाठलं; त्याने माझी वारंवार माफी मागितली. ज्या वयात त्याने अभ्यासावर लक्ष केंद्रित करायला हवं, त्या वयात मुलींच्या मागे लागून तो आपले आयुष्य उद्ध्वस्त करत आहे, असा इशारा मी त्याला दिला. अयानने आपली वर्तणूक सुधारण्याचे वचन दिलं आणि तो तिथून निघून गेला” असं रशीद म्हणाले.
या लैंगिक शोषणाचा सूत्रधार अयान अहमद हा अचलपूर येथील एका महाविद्यालयात दुसऱ्या वर्षाला शिकत होता. पीडित मुली या वेगवेगळ्या शहरांमधील होत्या आणि त्या बहुधा याच महाविद्यालयात शिक्षणासाठी आल्या असाव्यात.
व्हिडिओ उझरला कसे मिळाले
रशीद म्हणाले, “आम्हाला असं समजले की, अयान अहमदचे काही खाजगी व्हिडिओ उझरच्या ताब्यात होते. हे दोघं या गुन्ह्यात एकमेकांचे साथीदार होते, की उझरने अहमदच्या फोनवरुन ते व्हिडिओ मिळवले होते, याबद्दल मला काहीच माहिती नाही. परंतु, मला असं सांगण्यात आलं आहे की उझरने काही आर्थिक मागण्या केल्या होत्या, त्या पूर्ण करणं अयानला शक्य झाले नाही. आणि त्यानंतर उझरने आपली धमकी खरी करुन दाखवत ते व्हिडिओ व्हायरल केले.
