आनंद ने 500 महिलांची फसवणूक करत घेतला जीवनाचा आनंद 

  झुकती हैं दुनियां झुकाने वाला चाहिए असे उगाच नाही म्हटल्या जात. एक वेळा नवऱ्याला 10 रु.देखील फेकून न मारणाऱ्या महिला प्रेमात पडल्या की मग त्या दोन्ही हातांनी पैसा उधळतात. आनंद नावाच्या तरुणांवर 100 – 200 नव्हे तर तब्बल 500 पेक्षा जास्त महिलांनी पैसा उधळल्याचे समोर आले आहे. आनंद ने  प्रेमाच्या जाळ्यात ओढून या महिलांची आर्थिक फसवणूक केली आहे. सोबतच काही महिलांचे त्याच्याकडे आक्षेपार्ह फोटो, व्हिडीओ असल्याचेही धक्कादायक वृत्त समोर आले आहे.

नेमकं प्रकरण काय?

मिळालेल्या माहितीनुसार समोर आलेली ही घटना पश्चिम बंगाल राज्यातील आहे. या प्रकरणातील आरोपीचे नाव आनंद असे आहे. हा आनंद महिलांना आपल्या प्रेमाच्या जाळ्यात फसवून त्यांची आर्थिक लूट करायचा. त्याने आतापर्यंत 500 पेक्षा जास्त महिलांची फसवणूक केल्याचा दावा केला जातोय. महिलांना फसवण्यासाठी तो मॅट्रिमोनियल साईट्स तसेच डेटिंग अॅपचा वापर करायचा. या प्रकरणाचा तपास दिल्ली पोलीस करत आहेत. खोट्या नावाच्या मदतीने तो महिलांसोबत ओळख वाढवायचा आणि नंतर तो त्यांची आर्थिक फसवणूक करायचा. त्याने आतापर्यंत महिलांकडून 2 कोटींपेक्षा जास्त रुपये लुबाडल्याचे सांगितले जात आहे.

प्रकरण नेमके समोर कसे आले?

आनंद कुमार याने वैभव अरोडा नावाचे एका डेटिंग अॅपच्या माध्यमातून एका महिलेशी जवळीक वाढवली. त्यानंतर वैभव अरोडा नावानेच त्याने फेक इन्स्टाग्राम खाते सुरू केले होते. याच खात्याच्या माध्यमातून त्याने एका महिलेशी चॅटिंग सुरू केली. त्यानंतर व्हॉट्सअॅपवरही ते बोलू लागले. माझ्या मित्राला पैशांची गरज आहे, असे सांगत त्याने या महिलेकडून पैसे घेतले. महिलेने पैसे परत मागितल्यावर त्याने ते परत देण्यास नकार दिला. महिलेने तक्रार देताच पोलिसांनी तपास सुरू केला आणि हे प्रकरण समोर आले. दरम्यान, सध्या पोलिसांनी आरोपीला ताब्यात घेतले आहे. पोलीस या प्रकरणाचा तपास करत आहेत.