मुंबई / विशेष प्रतिनिधी
आज नागपुरात महायुती सरकार चा शपथविधी सोहळा होणार आहे. मंत्रिमंडळात कोणाकोणाला स्थान मिळणार या बद्दल जनतेच्या मनात उत्सुकता वाढली आहे. नवप्रहार च्या हाती मंत्रिमंडळात समाविष्ट होणाऱ्या काही आमदारांची नावे आली आहेत. पाहूया कोणाला मिळणार मंत्रिपद
पंकजा मुंडे यांनाही मंत्रिपदासाठी फोन गेला आहे. त्यामुळे पंकजा मुंडे यांचं फडणवीस सरकारमध्ये कमबॅक होणार असल्याचं स्पष्ट झालं आहे. याशिवाय चंद्रकांत पाटील, जयकुमार रावल, पंकज भोयर, मंगलप्रभात लोढा आणि शिवेंद्रराजे भोसले यांनाही भाजपकडून मंत्रिपदासाठी फोन करण्यात आला आहे. जयकुमार रावल आणि पंकज भोयर हे पहिल्यांदाच मंत्री होणार आहे. भाजपने जातीय आणि प्रादेशिक समीकरणाचा समतोल राखण्याचा प्रयत्न सुरू केला आहे. भाजपकडून केवळ 18 लोकांना मंत्रिमंडळात संधी दिली जाणार असल्याने फडणवीस यांनी सरकारमध्ये नवीन चेहऱ्यांना घेण्यावर भर दिल्याचं सांगितलं जात आहे.
