रिसॉर्ट मध्ये सापडला तिघांचा मृतदेह 

                      पर्यटनासाठी प्रसिद्ध असलेल्या कोडागु (कर्नाटक ) येथील एका रिसॉर्ट च्या खोलीत  केरळ मधून सहलीसाठी आलेल्या एकाच कुटुंबातील तीघांचा मृतदेह सापडल्याने खळबळ माजली आहे. मृतांमध्ये रिसॉर्ट मध्ये असलेल्या पती -पत्नी आणि 11 वर्षीय मुलीचा समावेश आहे.

 याप्रकरणी पोलिसांनी तत्काळ धाव घेत चौकशी केली असता धक्कादायक माहिती समोर आली.

केरळच्या कोट्टायम येथील रहिवासी असलेले विनोद (43), पत्नी झुबी अब्राहम (37) आणि मुलगी जोहान (11) हे कोडागू येथील एका रिसॉर्टमध्ये फिरण्याकरता आले होते. या कुटुंबाने शनिवारी जंगल आणि डोंगराळ प्रदेशातील पर्यटकांमध्ये लोकप्रिय असलेल्या रिसॉर्टमध्ये चेक इन केले. परंतु,  त्यांचा मृतदेह खोलीत आढळून आला. पोलिसांनी चौकशी केली असता हे आत्महत्येचं प्रकरण असल्याचं समोर आलं. कारण, त्यांना या खोलीत सुसाईड नोट सापडली आहे.