बेपत्ता झालेली ती नवविवाहिता  चक्क मॉल मध्ये खरेदी करतांना सापडली न राव

नवी दिल्ली / नवप्रहार मीडिया नेटवर्क

                  एक जोडपे हनिमून साठी दार्जिलिंग ला निघाले होते. पण नवऱ्याला डुलकी लागल्यानंतर ही बया जागेवरून गायब होती. नवऱ्याने तिला शोधण्यासाठी अख्खी रेल्वेगाडी शोधून काढली होती. पण ती कुठेच न सापडल्याने त्याने रेल्वे पोलिसात तक्रार दाखल करत पोलिसांना चांगलेच धारेवर धरले होते. पोलिसांनी गुरुग्राम च्या एका मॉल मध्ये शॉपिंग करताना तिला शोधून काढले आहे. तिने असे का केले हे पोलीस तपासात समोर येणार आहे.

मिळालेल्या माहिती नुसार बिहार च्या  मुझफ्फरपूर  विद्युत विभागात कार्यरत असलेल्या प्रिन्स कुमार याचं फेब्रुवारी महिन्यात मधुबनी जिल्ह्यातील जयनगरची निवासी असलेल्या काजलशी लग्न झालं होतं.मागच्या गुरुवारी मुझफ्फरपूरहून न्यू जलपाईगुडीला जाणाऱ्या आनंद विहार सुपरफास्ट एक्स्प्रेसमधून हे नवविवाहित दाम्पत्य प्रवास करत होतं. एसी डब्यात बी 4च्या 43 आणि 45 क्रमांकाच्या सीटवर दोघं बसले होते. किशनगंज स्थानकावर एक्स्प्रेस बराच वेळ थांबली. तेव्हा काजल वॉशरूमला गेली.

 लग्नानंतर लगेचच हनीमूनसाठी दोघं दार्जिलिंगला जाणार होते. मात्र काही कारणाने जाऊ शकले नाहीत. मग पाच महिन्यांनी ते हनीमूनला जायला निघालेले असताना ही घटना घडली.काजल  वॉशरूमच्या बहाण्याने जागेवरून उठुन गेली होती. गेलेली बायको परत आलीच नव्हती. तिच्या नवऱ्याने अक्षरशः वेडापिसा होऊन तिचा शोध घेतला होता. प्रिन्सने याविरोधात पोलिसांत तक्रार दाखल करताच पोलिसांनी हरियाणाच्या गुरुग्राममधून शॉपिंग करताना तिला ताब्यात घेतलं. प्रिन्सने आमच्यात सारं काही आलबेल असून काहीही भांडण झालं नसल्याचं म्हटलं होतं.

मात्र आता त्याने दिलेल्या माहितीनुसार, पोलीस काजलला मुझफ्फरपूरमध्ये आणतील आणि न्यायालयात हजर केल्यानंतर ती पळून जाण्याचं कारण स्पष्ट होईल.काजलने गुरुग्राममध्ये आपला मोबाईल बंद करून त्यातील जुना सीमकार्ड काढला आणि नवीन सीमकार्ड सुरू केला. इथेच ती पोलिसांच्या जाळ्यात अडकली आणि पोलिसांनी तिचं लोकेशन तपासलं. आता ती पोलिसांच्या ताब्यात आहे.