शेतकरी आणि पशुधन पाळणाऱ्यांसाठी दहशतीचा पर्याय ठरलेली दुसरी वाघीण ही जेरबंद 

भंडारा / प्रतिनिधी

                           शेतकऱ्याचा जीव घेणाऱ्या वाघिणीला वनविभागाने जेरबंद केले होते. पण

वैनगंगा नदी काठावर असलेल्या गावांमध्ये वाघाची दहशत कायम होती. आज तिला देखील जेरबंद करण्यात वनविभागाला यश आले आहे . या कारवाई ने नागरिकांनी सुटकेचा श्वास सोडला आहे. आणि वनविभागाचे आभार मानले आहे.

काल नरभक्षी  ठरलेल्या एका वाघिणीला वनविभागाने  जेरबंद   केले होते. आणखी एका वाघिणीला पिंजऱ्यात कैद करण्यात वन विभागाला यश आले आहे. आंतरजिल्ह्याच्या दाट जंगलातून भरकटून वैनगंगा नदीच्या किनाऱ्यावरील डांभेविरली, टेंभरी, गवराळा आदी गावांच्या शेत क्षेत्रात आलेल्या एका वाघिणीने मागील एक महिन्याच्या कालावधीत पाळीव जनावरांसह काही वन्य प्राण्यांचीही शिकार केली होती. यामुळे परिसरातील शेतकरी, पशुपालक आणि नागरिकांमध्ये भीतीचे वातावरण पसरले होते.