बेपत्ता असलेल्या चार मुली सापडल्या 904 किमी अंतरावर, पोलिसांचे होतेय कौतुक

पोलिसांनी तात्काळ या संदर्भाचा गुन्हा दाखल करून चार विविध पथक त्यांच्या शोधासाठी रवाना केली. याच दरम्यान रेल्वे स्थानक, स्टेशन परिसर, शाळेच्या आजूबाजूचे सीसीटीव्ही, मोबाईल लोकेशन आणि तांत्रिक माहितीच्या आधारे या मुलींचा शोध सुरू झाला. त्याच दरम्यान या मुली राजस्थानकडे जाणाऱ्या ट्रेनने प्रवास करत असल्याची माहिती पोलिसांना मिळाली. त्यानुसार बाजारपेठ पोलिसांनी रेल्वे पोलिसांच्या मदतीने राजस्थानमधील मारवाड रेल्वे स्थानकातून या चारही मुलींना सुरक्षितपणे आपल्या ताब्यात घेतलं.

 या चारही मुली अजमेर येथे देव देवदर्शनासाठी जात असल्याची माहिती मिळते आहे. मात्र, तरी देखील विविध अंगांनी या संदर्भाचा अधिक तपास पोलीस करत आहेत. मात्र पोलिसांनी अवघ्या दोन दिवसात या मुलींचा शोध घेऊन त्यांना सुखरूपपणे कल्याणला परत आणल्याने पोलिसांच्या कामगिरीचं कौतुक केलं जात आहे.