लैंगिक अत्याचार प्रकरणात अपयश , महिलेची हत्या ; आरोपींना अटक 

वाशीम / विशेष प्रतिनिधी 

                        बकऱ्या चारण्यासाठी जंगलात गेलेल्या महिलेला एकटी पाहून तिच्यावर बळजबरी करण्याच्या प्रयत्नात अपयश आल्याने तिची गळा चिरून हत्या केलेल्या आरोपींना पोलिसांनी बेड्या ठोकल्या आहेत.

महिला बकऱ्या चारण्याकरीता गेली असताना अत्याचार

अधिकची माहिती अशी की, वाशिमच्या कारंजा तालुक्यातील खेर्डा जिरापुरे शेत शिवारात 35 वर्षीय महिला बकऱ्या चारण्याकरीता जंगलात गेली होती. दरम्यान, अज्ञात व्यक्तीने धार शस्त्राने मानेवर वार करून हत्या केल्याची घटना दोन दिवसा पूर्वी घडली होती…याप्रकरणी कारंजा पोलिसांनी तपासचक्र फिरवत गावातील रहीवासी संदिप गायकवाड हा व्यक्ती घटना घडल्यापासून बेपत्ता असल्याचं लक्षात येताच पोलिसांनी या आरोपीचा शोध सुरू केला.

आरोपीचा मुंबईकडे फरार होण्याचा प्रयत्न

मुंबईला जाऊन फरार होण्याच्या मार्गावर असताना संदीप गायकवाड बुलढाणाच्या नांदुरा रेल्वे स्टेशनच्या बाहेर पोलिसांनी संदीपला ताब्यात घेतले. त्याची कसून चौकशी केली असता .. महिलेवर लैंगिक अत्याचार करण्याच्या (अतिप्रसंग)प्रयत्नातून हत्या केल्याचं कबूल केलं …या प्रकरणी गावातील किशोर ऊर्फ बाबू देवराव कोवे यांनी सहकार्य केले असल्याची कबुली देताच संदीप गायकवाड आणि किशोर कोवे यांना पोलिसांनी बेड्या ठोकल्या आहेत.