लाचखोर पोलिस कर्मचाऱ्याला ACB ने रंगेहाथ पकडले

सुशेन प्रकाश उगले असे लाचखोर पोलीस कर्मचाऱ्याचे नाव असून तो बीड शहर पोलीस ठाण्यात कार्यरत आहे. एका प्रकरणातील समन्स संबंधिताला बजावण्यासाठी उगले याने आठ हजार रुपयांच्या लाचेची मागणी केली होती. तक्रारदाराची लाच देण्याची इच्छा नसल्याने त्यांनी याबाबात जालना लाचलुचपत प्रतिबंधक विभागाकडे रीतसर तक्रार नोंदवली होती. या तक्रारीची शहानिशा केल्यानंतर, जालना एसीबीच्या पथकाने दुपारी बीडमध्ये सापळा रचला. तक्रारदाराकडून ८ हजार रुपयांची लाचेची रक्कम स्वीकारताना सुशेन उगले याला पथकाने रंगेहात ताब्यात घेतले.