लाडक्या बहिणींना लवकरच मिळणार पुढील हफ्ता पण……

नागपूर / विशेष प्रातिनिधी

               महायुती ला राज्यात अपेक्षेबाहेर यश मिळवून देण्यात लाडक्या बहिणींचा खूप मोठा वाटा आहे. नवीन सरकार आल्यावर जी योजना चालू राहणार की नाही ? असा प्रश्न लाडक्या बहिणींना पडला होता.पण नागपूर येथे सुरू असलेल्या हिवाळी अधिवेशनात सरकार ने लाडक्या बहिणींच्या खात्यात लवकरच पुढील हफ्ता जंमा होणार असल्याचे संकेत दिले आहेत. त्यासाठी सरकार ने 1400 कोटी रुपायांची तरतूद केली आहे. पण त्यासाठी काही निकष ठरविले आहेत.

लाडकी बहिण योजनेच्या माध्यमातून आतापर्यंत पात्र महिलांच्या खात्यात पाच महिन्यांचे पैसे जमा करण्यात आले असून डिसेंबर महिन्याचे पैसे आता येत्या काही दिवसात जमा होणार आहेत. या योजनेअंतर्गत राज्यातील 21 ते 65 वर्ष वयोगटातील महिलांना लाभ दिला जात असून कोट्यावधी महिला या योजनेसाठी पात्र ठरल्या आहेत.

विशेष बाब अशी की या योजनेअंतर्गत सध्या स्थितीला पंधराशे रुपये दिले जात आहेत मात्र महायुतीने विधानसभा निवडणुकीच्या प्रचारादरम्यान आमचे सरकार पुन्हा आल्यास आम्ही ही रक्कम 2100 रुपये करू अशी ग्वाही दिली असल्याने येत्या काही महिन्यांनी या योजनेची रक्कम देखील वाढणार आहे.

त्याआधीच मात्र लाडक्या बहिणीची डोकेदुखी वाढणार आहे. कारण की सरकारच्या माध्यमातून या योजनेसाठी सादर केलेल्या अर्जांची फेरफडताळणी केली जाणार असल्याची माहिती समोर येत आहे.

या फेर पडताळणीमध्ये ज्या महिला अपात्र ठरतील त्यांचे अर्ज रद्द केले जाणार आहेत. दरम्यान आज आपण लाडकी बहिण योजनेच्या पात्रता जाणून घेणार आहोत. जर तुमच्याकडेही खाली दिलेल्या ६ गोष्टी असतील, तर तुमचा फॉर्म आता रिजेक्ट केला जाणार आहे.

लाडकी बहिण योजनेच्या पात्रता

या योजनेचा लाभ हा 21 ते 65 वर्षे वयोगटातील महिलांना दिला जातोय. पण ज्या कुटुंबाचे वार्षिक उत्पन्न अडीच लाख रुपयांपेक्षा जास्त आहे त्यांना या योजनेचा लाभ मिळणार नाही.

ज्या कुटुंबाकडे चार चाकी वाहन (ट्रॅक्टर वगळता) आहे अशा कुटुंबांना देखील याचा लाभ मिळणार नाही.

ज्या कुटुंबातील सदस्य कायम किंवा कंत्राटी पद्धतीने सरकारी विभागात कार्यरत असतील, अशा कुटुंबातील महिलांनाही याचा लाभ मिळणार नाही. अशा कुटुंबातील महिलांनी या योजनेसाठी अर्ज केला असेल तर त्यांचा अर्ज रद्द होईल.

ज्या कुटुंबातील सदस्य आजी-माजी आमदार, खासदार असतील अशा कुटुंबातील महिलांना देखील या योजनेचा लाभ मिळणार नाही.

ज्या महिला शासनाच्या इतर योजनांचा म्हणजेच संजय गांधी निराधार योजनेसारख्या आर्थिक लाभाच्या योजनेचा लाभ घेत असतील तर त्यांना या योजनेचा लाभ मिळणार नाही.

ज्या कुटुंबातील लोक टॅक्स भरत असतील अशा कुटुंबातील महिलांना देखील या योजनेचा लाभ मिळणार नाहीये.