अल्पसंख्याक तरुणांकडुन हवालदारावर चाकूने हल्ला 

जयपूर (राजस्थान) / नवप्रहार डेस्क 

            टोंक जिल्ह्यातील कोतवाली नगर भागात एका मुस्लिम तरुणाकडून कर्तव्यावर असलेल्या पोलीस जमादारावर चाकूने हल्ला करण्यात आल्याची खळबळजनक घटना घडली आहे. विशेष म्हणजे पोलीस स्टेशन च्या गेट समोरच हा प्रकार घडला आहे. या घटनेचा व्हिडिओ सामाजिक माध्यमावर प्रसारित झाला आहे.

प्रसारमाध्यमाने दिलेल्या एका वृत्तानुसार टोंक जिल्ह्यातील कोतवाली नगर भागात रहाणार्‍या सद्दाम उपाख्य महंमद बशीर याला उपजिल्हाधिकारी कार्यालयात उपस्थित रहाण्याची नोटीस मिळाली होती. ही नोटीस मिळाल्यावर सद्दाम याने रागाच्या भरात पोलीस ठाणे गाठले. प्रवेशद्वारावर एक पोलीस हवालदार उभा होता. सद्दाम याने त्याला विचारले, ‘माझ्याबद्दल कोणी तक्रार केली आहे ? मी त्याला सोडणार नाही.’ पोलीस हवालदार काही उत्तर देण्यापूर्वीच सद्दामने त्याच्यावर चाकूने आक्रमण केले.