हनिमून साठी गेलेल्या दाम्पत्याचा फोटो शूट करतांना स्पीडबोट वरून पडून मृत्यू

चेन्नई /”नवप्रहार न्यूज नेटवर्क

                   हनिमून साठी बाली येथे  गेलेल्या नवदाम्पत्याचा स्पीड बोटीतून वॉटर राईड करताना फोटो शूट दरम्यान तोल जाऊन पाण्यात पडल्याने मृत्यू झाला. विबुष्णिया आणि पूनमल्ली अशी त्या नवरा बायकोची नावे आहेत. मुख्य म्हणजे ते दिघेही डॉक्टर होते आणि 1 जून रोजी त्यांचे लग्न झाले होते. स्पीडबोट वर फोटो शूट करतांना तोल जाऊन ते पाण्यात पडले होते.दोघांच्या कुटुंबांना माहिती मिळताच त्यांच्या पायाखालची जमीन सरकली आहे. या दोघांचेही कुटुंबीय मृतदेह ताब्यात घेण्यासाठी बाली या ठिकाणी पोहचले आहेत.

विबुष्णिया ही पोटामल्लीला वास्तव्य करणाऱ्या सेल्वम यांची मुलगी होती. ती डॉक्टर होती. लोकेश्वरन आणि विबुष्णिया या दोघांचं प्रेम होतं. दोघांनीही आपल्या प्रेमाविषयी आपआपल्या घरी सांगितलं दोघांच्या घरुन होकार आला. त्यानंतर या दोघांचं लग्न 1 जून रोजी झालं होतं. थाटामाटात लग्न सोहळा पार पडल्यानंतर हे दोघेही मधुचंद्रासाठी इंडोनेशियाला गेले होते. वॉटर राईड करत असताना पाण्यात पडून दोघांचा मृत्यू झाला.

असा झाला अपघात – 

बाली येथील समुद्रात या दोघांनीही स्पीड बोट राईड घेतली. स्पीड बोटवर हे दोघे फोटो काढत होते. त्याचवेळी दोघांचाही अचानक तोल गेला. त्यानंतर दोघेही पाण्यात पडले. या दोघांचाही बुडून मृत्यू झाला. शुक्रवारी म्हणजेच 9 जूनला लोकेश्वरनचा मृतदेह सापडला तर शनिवारी सकाळी विबुष्णियाचा मृतदेह सापडला. या घटनेमुळे संपूर्ण कुटुंबावर दुःखाचा डोंगर कोसळला आहे.