कचरा डेपो परिसरात सापडलेल्या मृतदेहाचे गूढ उकलण्यात पोलिसांना यश 

ब्युटी पार्लरमध्ये काम करणारी आफरीन रोज कामाला जाण्यासाठी कॅबचा वापर करायची. याच दरम्यान तिची ओळख कॅबचालक गोरखनाथ शिंदे याच्याशी झाली. ओळखीचे रूपांतर प्रेमात झाले आणि त्यांच्यात शारीरिक संबंध निर्माण झाले. काही महिन्यांपूर्वी आफरीन गर्भवती राहिली. तिने गर्भपातासाठी गोरखनाथकडे १ लाख रुपयांची मागणी केली होती. तसेच, पैसे न दिल्यास “तुझ्या पत्नीला आणि घरच्यांना सर्व सांगते,” अशी धमकी तिने दिली होती. याच भीतीतून गोरखनाथने तिला संपवण्याचा कट रचला.