आई वडील आणि भावाने तरुणाला संपवले

सुरज संजय गुळुमकर असे खून झालेल्या तरुणाचे नाव आहे. ८ मे २०२६ रोजी रात्री जोगवडी येथील घराशेजारील बाथरूमसमोरील मोकळ्या जागेत सुरजचा मृतदेह रक्ताच्या थारोळ्यात पडलेला आढळला. अज्ञात हत्याराने त्याच्या डोक्यात वार करून त्याची अत्यंत निर्घृणपणे हत्या करण्यात आली होती.

कौटुंबिक वादाचा रक्तरंजित शेवट

फिर्यादी जीवन संपत पोमण (रा. पिंपळे, ता. पुरंदर) यांनी दिलेल्या तक्रारीनुसार, सुरजचे त्याच्या वडिलांशी आणि सावत्र आई-भावाशी जमीन वाटपावरून जुने वाद सुरू होते. याच वादातून आणि पूर्वीच्या भांडणाचा राग मनात धरून वडील संजय धोंडीबा गुळुमकर, सावत्र आई माया आणि सावत्र भाऊ अथर्व यांनी संगनमताने सुरजचा काटा काढल्याचा संशय व्यक्त करण्यात आला आहे.