मृतदेहाला ओढत नेत असलेलाव्हिडीओ सोशल मीडियावर व्हायरल ; जनतेत संताप 

झांशी (युपी) / नवप्रहार ब्युरो

               ” मरणाने केली सुटका, जगण्याने छळले होते ” सुरेश भट यांचे हे शब्द खूप काही सांगून जातात. पण काही लोकांच्या नशिबात मरणा नंतरही यातनाच असतात. असाच एक प्रकार उत्तरप्रदेश च्या झांशी येथे उघडकीस आला आहे. सोशल मीडियावर व्हायरल होत असलेला हा व्हिडीओ पाहणाऱ्याला विचलित करू शकतो.  पण लोकं किती निर्दयी आहेत याची प्रचिती हा व्हिडिओ पाहिल्यावर येते. माणुसकीला काळिमा फासणारा हा व्हिडिओ सध्या सध्या सोशल मीडियावर मोठ्या प्रमाणात धुमाकूळ घालत आहे.

हा सर्व प्रकार झाशीच्या मेडिकल कॉलेजमध्ये घडून आला. जिथे पोस्टमार्टेम हाऊसबाहेर दोन कर्मचारी मृतदेहाच्या पायाभोवती कपडा बांधून त्याचे शव ओढत/खेचत नेताना दिसून आले. या निर्दयी घटनेचा व्हिडीओ जवळील एकाने आपल्या कॅमेरात कैद केला आणि सोशल मीडियावर शेअर केला. व्हिडिओ व्हायरल होताच पोलिसांनी प्रकरणाची दखल घेत याबाबत तपास सुरू केला आहे. दरम्यान व्हिडीओत नक्की काय घडले? याविषयी आपण सविस्तर जाणून घेऊयात.

काय घडले व्हिडिओत?

तर व्हायरल व्हिडीओत दिसून येते की, मृतदेहावर एक कपडा टाकण्यात आला आहे. यावेळी दोन व्यक्ती त्या मृतदेहाच्या पायानं खेचत एखाद्या वास्तूप्रमाणे मृतदेह रस्त्यावरून ओढत शवविच्छेदन गृहापर्यंत नेत आहेत. ते या मृतदेहाला इतक्या निर्दयपणे ओढून काढतात की पाहून तुम्हीही हैराण व्हाल. माहितीनुसार, काही दिवसांपूर्वी एका तरुणाचा बेवारस मृतदेह सापडला होता. हा तोच मृतदेह; जो अतिशय निर्दयी, क्रूरपणे फरफटत रस्त्यावरून नेला जात आहे. व्हिडिओ व्हायरल होताच आता सोशल मीडियावर एकच खळबळ उडाली आहे.

हा निर्दयी घटनेचा व्हिडिओ @sheikh_inzemam नावाच्या एक्स अकाऊंटवरून शशेअर करण्यात आला आहे. व्हिडिओच्या कॅप्शनमध्ये, ‘झाशीच्या मेडिकल कॉलेजमधील पोस्टमॉर्टम रूममधून मृतदेह जनावरांसारखे ओढले जात आहेत’ असे लिहिण्यात आले आहे. अनेकांनी यावर कमेंट्स करत घटनेवर आपले मत व्यक्त केले आहे. एका युजरने लिहिले आहे, “हा शवचा मृत्यू नसून संपूर्ण मानवतेचा मृत्यू आहे’ तर दुसऱ्या युजरने लिहिले आहे, “ज्याने व्हिडीओ बनवला तो मृतदेह खेचणाऱ्याइतकाच दोषी आहे”.

टीप – हे व्हिडिओ सोशल मीडियावर व्हायरल झाले असून आम्ही वाचकांना काय योग्य आणि काय अयोग्य हे दाखविण्यासाठी लेख देत असतो. कोणत्याही प्रकारे अशा व्हिडिओबाबत आमचे मत योग्य नाही वा आमचा कोणताही दावा नाही.