माय आणि एक लेक पाकिस्तानी तर अन्य तीन भारतीय

‘पीटीआय’ या वृत्तसंस्थेने दिलेल्या वृत्तानुसार, एक पाकिस्तानी महिला आणि तिचा एक मुलगा भारतात बेकायदेशीरपणे राहत असल्याची खात्रीशीर माहिती स्थानिक पोलिसांना मिळाली होती. त्यानुसार पोलिसांनी ही कारवाई केली.

यासंदर्भात अधिक माहिती देताना चिक्काबल्लापूरचे पोलीस अधिकारी कुशल चौकसे यांनी सांगितले, “सूत्रांकडून माहिती मिळताच आम्ही कारवाई केली. फराह नाझ आणि तिचा मुलगा मोहम्मद फरदीन या पाकिस्तानी नागरिकांना अटक करण्यात आला आहे. त्यांनी बेकायदेशीरपणे मिळवलेले रेशन कार्ड आणि मतदार ओळखपत्र देखील जप्त करण्यात आले आहेत. या दोघांवरही बीएनएस (BNS) आणि परदेशी नागरिक कायद्याशी संबंधित विविध कलमांतर्गत गन्हा दाखल संबंधित विविध कलमांतर्गत गुन्हा दाखल करण्यात आला आहे.”

पोलिसांनी दिलेल्या माहितीनुसार, हे संपूर्ण प्रकरण सुरू झाले ते संयुक्त अरब अमिराती अर्थात यूएईमधून. चिक्काबल्लापूर जिल्ह्यातील बागेपल्ली येथील रहिवासी मोहम्मद अयुब खान नौकरीनिमित्त यूएईमध्ये गेला होता. तेथे त्याची मैत्री पाकिस्तानच्या फराह नाझशी झाली. या नंतर मैत्रचे रुपांतर लग्नात झाले. जेव्हा पहिल्या > अपत्याला जन्म देण्याची वेळ आली, तेव्हा फराह पाकिस्तानला निघून गेली. तेथे तिने पिहिल्या मुलाला जन्म दिला. यामुळे तिचा मोठा मुलगा पाकिस्तानी नागरिक बनला. यानंतर फराह पुन्हा सौदी अरेबियाला गेली आणि तेथून भारतात आली. भारतात आल्यानंतर तिने आणखी तीन मलांना जन्म दिला. आता या तीन मुलांचा जन्म भारतात झाल्याने ते भारतीय नागरिक बनले.

हे प्रकरण समोर आल्यानंतर, चिक्काबल्लापूरच्या तहसीलदारांनी या माय-लेकांचे मतदार ओळखपत्र आणि रेशन कार्ड रद्द केले आहे. आता पोलीस पुढील तपास करत आहेत.