शक्तिवर्धक औषधाचे सेवन करून रेहान करायचा तरुणींवर बलात्कार

सेल्फी स्टँड लावून करायचा घटनेचे शूटिंग

मोमोज विकणारा रेहान फोन पे च्या नंबर वरून मिळवत होता तरुणींचे नंबर

गया (बिहार )/ विशेष प्रतिनिधी 

मोमोज विकणारा रेहान फोन पे नंबर वरून तरुणींचे नंबर मिळवायचा. त्यांना व्हिडिओ कॉल करून त्यांच्याशी गोडगोड बोलून आपल्या जाळ्यात ओढायचा. मुलगी पूर्णतः आपल्या जाळ्यात अडकली आहे याची खात्री पटल्यावर तिला भेटीसाठी बोलवायचा. तो तरुणींना पहाडी क्षेत्रात सुनसान ठिकाणी बोलवायचा. आणि त्यांच्यावर बलात्कार करायचा. घटना तो स्वतःच्या मोबाईल मध्ये सेल्फी स्टॅन्ड लावून शूट करायचा. त्याने दोन हिंदू आणि एक मुस्लिम तरुणीवर अत्याचार केल्याचे कबूल केले आहे.

फोन पे नंबर वरून मिळवायचा तरुणींचे नंबर –  रेहान मोमोज विक्री करत असल्याने त्याच्या दुकानावर मोमोज खाण्यासाठी तरुणी यायच्या. ज्या तरुणी त्याला ऑनलाइन पेमेंट करायच्या त्यांचे नंबर फोन पे मधून काढून रेहान त्यांना फोन करायचा. ज्या तरुणी त्याला इंटरटेन करायच्या त्यांच्याशी गोडीगुलाबी ने बोलून रेहान त्यांना आपल्या जाळ्यात ओढायचा. आणि ज्या त्याला प्रतिसाद देत नव्हत्या त्यांचे नंबर तो डिलीट करून टाकायचा.

शक्तिवर्धक औषधे खाऊन करायचा बलात्कार – रेहान ने पोलिस तपासात कबूल केले की ज्या तरुणी त्याला प्रतिसाद देत होत्या त्यांना तो पहाडी क्षेत्रात सुनसान ठिकाणी बोलवायचा.आणि त्यांच्यावर बलात्कार करायचा. यावेळी तो शक्तिवर्धक औषधे खात होता. घटनेचे व्हिडिओ तो सेल्फी स्टँड लावून शूट करत होता. त्याच्या म्हणण्यानुसार, या कृत्यात इतर कोणीही सहभागी नव्हते. त्याने असेही सांगितले की, जप्त केलेले सर्व व्हिडिओ आणि फोटो केवळ त्याच्या मोबाईल फोनमध्येच होते आणि ते कोणत्याही सोशल मीडियावर, अश्लील वेबसाइट्सवर किंवा डार्क वेबवर अपलोड केल्याचा किंवा इतर कोणाशीही शेअर केल्याचा त्याने इन्कार केला. तथापि, पोलीस या दाव्याची स्वतंत्रपणे चौकशी करत आहेत.

तीन तरुणींवर बलात्कार केल्याचे कबूल

रेहान ने तीन पीडितांवर बलात्कार केल्याचा गुन्हा कबूल केला असून, पोलीस तपासाची व्याप्ती वाढवत आहेत.चौकशीदरम्यान, रेहानने डोंगरावर तीन मुलींवर बलात्कार केल्याची कबुली दिली. पोलिसांच्या म्हणण्यानुसार, पीडितांमध्ये दोन हिंदू आणि एका मुस्लिम मुलीचा समावेश होता. आरोपीने दावा केला की तो गेल्या सहा महिन्यांपासून त्यांना अशा प्रकारे आमिष दाखवत होता. पोलिसांनी त्याच्या मोबाईल फोनमधून १२ हून अधिक आक्षेपार्ह व्हिडिओ आणि फोटो जप्त केले आहेत

पीडितांची संख्या जास्त असण्याची शक्यता पोलिसांना वाटते. कोणताही डेटा हटवला गेला आहे किंवा दुसऱ्या व्यक्तीला पाठवला गेला आहे का, हे निश्चित करण्यासाठी मोबाईल फोन आणि सिम कार्ड फॉरेन्सिक तपासणीसाठी पाठवण्याची तयारी सुरू आहे. अल्पवयीन पीडितेच्या कुटुंबीयांनी केलेल्या तक्रारीनंतर पोलिसांनी गुन्हा दाखल करून संशयिताला अटक केली आहे.