मोपेड ने जाणाऱ्या तरुण तरुणीला अडवून लुटमार करत तरुणीवर अत्याचार 

मिळालेल्या माहितीनुसार, पीडित तरुणी आणि तिचा मित्र अँक्टिव्हा वाहनाने जात असताना अज्ञात पाच इसमांनी त्यांना अडवले. आरोपींनी दोघांनाही लाथाबुक्क्यांनी बेदम मारहाण करून त्यांच्या जवळील रोख रक्कम हिसकावून घेतली. त्यानंतर एका आरोपीने तरुणीला बाजूला नेत तिच्यावर जबरदस्ती अत्याचार केला. सध्या पीडित तरुणीवर रुग्णालयात उपचार सुरू आहे.

 या प्रकरणी घटनेची माहिती मिळताच फ्रेजरपुरा पोलिसांनी गुन्हा दाखल करत या गंभीर गुन्ह्यातील पाच आरोपींना ताब्यात घेतलेय. या प्रकरणाचा पुढील तपास फ्रेजरपुरा पोलीस करीत असून घटनेमुळे परिसरात खळबळ उडाली आहे. हा गुन्हा अत्यंत गंभीर स्वरूपाचा असल्याने पीडिता, साक्षीदार तसेच आरोपींबाबतची माहिती पोलिसांकडून अधिकृतरीत्या जाहीर होईपर्यंत प्रसारित करू नये, अन्यथा संबंधितांवर प्रचलित कायद्यानुसार कारवाई करण्यात येईल, असे आवाहन पोलीस प्रशासनाने केले आहे.