नक्षल चळवळीतील मोठा नेता चकमकीत ठार 

40 वर्षांपासून नक्षल चळवळीत होता सक्रिय 

पाच राज्यात अनेक गुन्हे दाखल.

गडचिरोली /नवप्रहार ब्युरो

    मागील ,40 वर्षांपासून नक्षल चळवळीत सक्रिय असलेला.आणि डोक्यावर बक्षीस असलेला आणि केंद्रीय समितीचा सदस्य असलेल्या सिंहाचलम याला सुरक्षा रक्षकांनी ठार केले आहे. सिंहाचलम याच्यावर पाच राज्यात अनेक गुन्हे दाखल आहेत.

अखेर गडचिरोली सीमेपासून जवळच असलेल्या भागात ही मोठी कारवाई घडली. पीटीआयने दिलेल्या माहितीनुसार, वरिष्ठ माओवादी कार्यकर्त्यांच्या उपस्थितीची माहिती मिळाल्यानंतर सुरक्षा कर्मचाऱ्यांच्या संयुक्त पथकाने नक्षलविरोधी मोहीम सुरू केली तेव्हा इंद्रावती राष्ट्रीय उद्यानातील जंगलात गोळीबार सुरू झाला होता.

40 वर्षांपासून सक्रिय, 5 राज्यांमध्ये गुन्हे

सिंहाचलम हा गेल्या 40 वर्षांपासून नक्षल चळवळीत सक्रीय होता. तो नक्षलवाद्यांच्या केंद्रीय समितीमध्ये महत्त्वाची भूमिका बजावत होता. विशेषतः नक्षल प्रचार आणि शिक्षण विभागाची जबाबदारी त्याच्याकडे होती. त्याच्यावर महाराष्ट्र, छत्तीसगड, तेलंगणा, ओडिशा आणि आंध्रप्रदेश अशा 5 राज्यांत गंभीर गुन्हे दाखल होते. या राज्यांनी त्याच्यावर मिळून तब्बल ₹3 कोटींचं बक्षीस जाहीर केलं होतं.

छत्तीसगडच्या इंद्रावती नॅशनल पार्कच्या जंगलात सुरक्षा दलांनी मोठी कारवाई करत नक्षल चळवळीतील अत्यंत मोठा नेता आणि केंद्रीय समितीचा सदस्य सिंहाचलम याला चकमकीत ठार केलं. या नक्षलवाद्याच्या मुसक्याचं राज्यभरात सातत्याने प्रयत्न सुरू होते. अखेर गडचिरोली सीमेपासून जवळच असलेल्या भागात ही मोठी कारवाई घडली.

चकमकीचं ठिकाण व सुरक्षा यंत्रणांची कारवाई

ही चकमक इंद्रावती नॅशनल पार्कच्या घनदाट जंगलात झाली. येथे नक्षल चळवळ सुरू असल्याची माहिती सुरक्षा यंत्रणांना मिळाली होती. नक्षलविरोधी मोहिमेअंतर्गत सीआरपीएफ व स्थानिक पोलिसांनी संयुक्तपणे शोध मोहीम राबवली असता दोन्ही गटांमध्ये जोरदार चकमक उडाली. यामध्ये सिंहाचलम ठार झाला. घटनास्थळी मोठ्या प्रमाणात शस्त्रसाठा व नक्षल साहित्य जप्त करण्यात आलं आहे. या चकमकीनंतर गडचिरोली, सिरोंचा आणि अहेरी भागात सुरक्षा यंत्रणांनी हाय अलर्ट जाहीर केला आहे. सिंहाचलमसारखा मोठा नक्षल नेता ठार झाल्यानं संघटनेला मोठा धक्का बसला असून संभाव्य सूड हल्ल्याच्या पार्श्वभूमीवर अधिक सतर्कता बाळगण्यात येत आहे.

ही चकमक इंद्रावती नॅशनल पार्कच्या घनदाट जंगलात झाली. येथे नक्षल चळवळ सुरू असल्याची माहिती सुरक्षा यंत्रणांना मिळाली होती. नक्षलविरोधी मोहिमेअंतर्गत सीआरपीएफ व स्थानिक पोलिसांनी संयुक्तपणे शोध मोहीम राबवली असता दोन्ही गटांमध्ये जोरदार चकमक उडाली. यामध्ये सिंहाचलम ठार झाला. घटनास्थळी मोठ्या प्रमाणात शस्त्रसाठा व नक्षल साहित्य जप्त करण्यात आलं आहे.