दोन वर्षांपासून लिव्ह इन मध्ये असलेल्या तरुणीची पार्टनर ने केली हत्या

24 मे 2026 रोजी सकाळी ही घटना उघडकीस आली. आरोपी आणि पीडित तरुणी गेल्या दोन वर्षांपासून एकत्र राहत होते. घरामध्ये झालेल्या जोरदार वादानंतर हा प्रकार घडल्याची प्राथमिक माहिती समोर आली आहे. घटनेनंतर आरोपी घटनास्थळावरून पसार झाला होता.

चारित्र्याच्या संशयातून हत्या

प्राथमिक तपासात आरोपीला आपल्या पार्टनरच्या चारित्र्यावर संशय होता, अशी माहिती समोर आली आहे. या संशयातून दोघांमध्ये वारंवार भांडण होत होते. अखेर रागाच्या भरात आरोपीने चाकूने वार करून तरुणीचा जीव घेतल्याचे पोलिसांनी सांगितले.

पोलिसांची जलद कारवाई आणि आरोपीला अटक

घटनेची माहिती मिळताच कल्याण पोलिसांनी घटनास्थळी धाव घेतली. सीसीटीव्ही फुटेज आणि तांत्रिक तपासाच्या मदतीने आरोपीचा माग काढण्यात आला. काही तासांतच आरोपीला ताब्यात घेण्यात आले असून, त्याच्याकडून रक्ताने माखलेला चाकू जप्त करण्यात आला आहे.