बांधकाम सुरू असलेल्या इमारतीच्या सेफ्टी टॅंक मध्ये आढळला तरुणीचा मृतदेह

पोलिसांनी घटनास्थळी पंचनामा केला असून तरुणीचा चेहरा विटांनी ठेचण्यात आला आहे. दोन विटांना रक्त लागलं होतं. तरुणीचा हातही तुटला होता. एका प्लास्टिक पिशवीत समोसे होते. याशिवाय आजूबाजूला साडी, काही केस आणि फुटलेल्या बांगड्याही होत्या.

एएसपी विजय शंकर मिश्रा यांनी सांगितलं की, ललौली पोलीस ठाण्याच्या हद्दीत आबू मोहम्मदपूर गावात राकेश गुप्ता यांच्या घऱाचे बांधकाम सुरू आहे. त्याच्या समोर असलेल्या सेफ्टी टँकमध्ये एका २५ वर्षांच्या तरुणीचा मृतदेह आढळला आहे. मृतदेहाची ओळख पटवण्याचे काम सुरू आहे. पंचनामा कऱण्यात आला आहे. घटनास्थळी फॉरेन्सिक टीमने काही नमुने गोळा केले आहेत. याप्रकरणी पोलिसात नोंद करण्यात आली असून अधिक तपास केला जात आहे.