क्राइम
अंडकोष संबंधित समाज माध्यमांवरील रिल ठरली तरुणाच्या मृत्येचे कारण
भोपाळ / विशेष प्रतिनिधी
समाज माध्यमावर कधी काय व्हायरल होईल याचा नेम नसतो.आणि लोकं अशा बाबींवर सहज विश्वासही करून घेतात. अशीच एक विचित्र घटना भोपाळ मध्ये घडली आहे. आखाती देशात मानवी अंडकोष कोट्यवधी रुपयात विकल्या जात असल्याची रिल समाज माध्यमावर फिरत होती. कोट्यवधी रुपये कमविण्याच्या नादात बिबिए चे शिक्षण घेणाऱ्या तरुणाने टोळी जमवत एका १६ वर्षीय मुलाची हत्या केली. त्याचे अंडकोष काढून ते दोन दिवस बर्फात ठेवले.खरेदीदार न मिळाल्याने नंतर ते वेगवेगळ्या ठिकाणी फेकून देण्यात आले. आता मृत तरुणाच्या अवयव शोधण्याचे मोठे आव्हान पोलिसांसमोर आहे.
एका विचित्र व्हायरल रीलमुळे झालेल्या हत्येचा तपास आता भोपाळमधील दोन विशाल तलावांच्या पाण्यापाशी एका नाट्यमय वळणावर येऊन पोहोचला आहे. मयत मुलाचे अंडकोष (वृषण) शोधण्यासाठी पोलीस आता पाणबुड्यांची मदत घेण्याच्या तयारीत आहेत. पाच जणांच्या टोळीने अल्पवयीन मुलाची हत्या करून त्याचेआय प्रायव्हेट पार्ट कापून काढून टाकले होते. परंतु खरेदीदार न मिळाल्याने ते वेगवेगळ्या ठिकाणी फेकून दिले होते.
टोळी जमवून मुलाची हत्या
परदेशात, विशेषतः आखाती देशांमध्ये मानवी वृषणांना कोट्यवधी रूपयांची किंमत मिळते, या सोशल मीडियावरील एका रीलमधून पसरलेल्या अफवेमुळे बीबीएचे शिक्षण घेणाऱ्या २० वर्षीय विद्यार्थ्याने एक टोळी जमवली आणि भोपाळमध्ये १६ वर्षीय मुलाची हत्या केली. तपासकर्त्यांच्या मते खरेदीदार शोधण्याचा प्रयत्न करत असताना या टोळीने मयत मुलाचे वृषण दोन दिवस बर्फात साठवून ठेवले होते. जेव्हा त्यांना यश आले नाही, तेव्हा मुख्य संशयित झोहेबने इतरांना ते भाग वेगवेगळ्या जलाशयांमध्ये टाकण्यास सांगितले, जेणेकरून ते शोधणे कठीण जाईल.
पाण्यात दोन अवयव शोधण्याचं आव्हान
जलचरांनी भरलेल्या खोल आणि गढूळ पाण्यातून पुराव्याचे दोन छोटे तुकडे शोधून काढणे हे फॉरेन्सिकच्या दृष्टीने एक मोठे आव्हान ठरू शकते, असे पोलिसांनी सांगितले. जिथे हे अवयव टाकले गेल्याचा आरोप आहे, त्या जागांची ओळख पटवण्यासाठी संशयितांना पोलीस कोठडीत घेण्यात आले आहे. मात्र तलावाच्या खोल आणि गढूळ पाण्यातून पुराव्याचे दोन छोटे तुकडे शोधणे हे पोलिसांसमोर मोठे आव्हान असणार आहे.
तलावाच्या खोल आणि गढूळ पाण्यातून पुराव्याचे दोन छोटे तुकडे शोधणे हे फॉरेन्सिकच्या दृष्टीने एक मोठे आव्हान ठरू शकते, असे पोलिसांनी सांगितले.
तपासाचे नेतृत्व करणारे एसीपी संतोष पटेल यांनी सांगितले की, संशयितांनी पोलिसांना सांगितले की दोन्ही वृषण ‘अप्पर लेक’ आणि ‘लोअर लेक’मध्ये टाकण्यात आली होती. पाणबुडे या दोन जलाशयांमध्ये शोधकार्य सुरू करत आहेत.
छाप पाडण्यासाठी अॅप्रन, स्टेथोस्कोप
पोलिसांनी सांगितले की, मास्टरमाईंड झोहेबने ऑनलाइन अॅप्रन, स्टेथोस्कोप आणि थर्मामीटर विकत घेतले होते. आणि आपल्या साथीदारां डॉक्टर असल्याचे भासवताना त्यांचा वापर केला होता. तपासकर्त्यांना संशय आहे की, अवयव काढण्याच्या कृतीसाठी इतरांचे मन वळवण्यासाठी आणि त्यांना प्रशिक्षण देण्यासाठी त्याने या वस्तूंचा वापर केला होता. या वस्तू जप्त करण्यात आल्या आहेत.
आखाती देशात वृषणांना कोट्यवधींची किंमत, रीलमध्ये दावा
तपासकर्त्यांना संशय आहे की हा कट एका इन्स्टाग्राम रीलवरून प्रेरित होता. आखाती देशांमध्ये मानवी वृषणांना करोडोंची किंमत मिळू शकते, असा दावा त्या रीलमध्ये करण्यात आला होता. अवयव तस्करी करणाऱ्या एखाद्या संघटित टोळीशी याचा संबंध असल्याचे पोलिसांना अद्याप आढळलेले नाही
