सोशल मीडियावर व्हायरल होणाऱ्या त्या व्हिडीओ चे फॅक्ट

दोघंही एकमेकांसमोर होते. त्यानंतरच दृश्य मात्र थक्क करणारं आहे. हे संपूर्ण दृश्य कॅमेऱ्यात कैद झालं. त्यात असं काही दिसलं की ते शेवटी व्हायरल होऊ लागलं.

हा व्हिडीओ पाहून तुम्हीही तोंडात बोटं घालाल. व्हिडीओत पाहू शकता एक छोटीशी गल्ली दिसते आहे. एक तरुणी या गल्लीत स्कूटीवर बसून येते पण ती तिथंच अडकते. त्याच गल्लीत समोरून एक तरुण सायकल चालवत येतो.

तरुणी स्कूटी वाकडीतिकडी करून बाहेर पडण्याचा प्रयत्न करते. पण तिला ते शक्य होत नाही. सायकलस्वार तरुण तिची धडपड बघतो आणि तो आपल्या सायकलवरून उतरून तिच्या जवळ येतो. स्कूटीवरील तरुणी बाजूला होते. सायकलवरील तरुण तिची बाईक आपल्या दोन्ही हातांनी उचलतो. ती भिंतीवर लावतो आणि त्यानंतर तिचं तोंड दुसऱ्या दिशेला वळवतो. त्यानंतर तरुणी आपल्या स्कूटीवर बसून गल्लीतून बाहेर पडते.

altu.faltu इन्स्टाग्राम अकाऊंटवर हा व्हिडीओ पोस्ट करण्यात आला आहे. तुम्ही व्हिडीओ नीट पाहाल तर त्यात तुम्हाला समजेल की स्कूटीवर बसलेली तरुणी खरंतर तरुणी नव्हे तर तरुणच आहे. असं प्रत्यक्षात काही घडलेलं नाही. हा व्हिडीओ फक्त मनोरंजनासाठी बनवण्यात आला आहे. हा व्हिडीओ पाहिल्यावर त्यावर बऱ्याच कमेंट येत आहेत. ही आहे मुलांची ताकद, प्रत्येक मुलगा लेजेंड असतो, अशा मजेशीर कमेंट येत आहेत.