अनेक शेतकऱ्यांच्या शेतातून स्प्रिंकलर नोझल, केबल ची चोरी
शिरखेड पोलिसात तक्रार दाखल
मोर्शी/ प्रतिनिधी
राजूरवाडी आणि परिसरातील अनेक गावांत चोरांनी धुमाकूळ घातला आहे. अनेक शेतकऱ्यांच्या शेतातून पिकाच्या सिचनासाठी लावण्यात आलेल्या स्प्रिंकलर सेट मधील पितळेच्या नोझल आणि केबल ची चोरी केली आहे. यामुळे आता पोलीस विभागापुढे चोरांना पकडण्याचे तर शेतकऱ्यांपुढे पिकाला पाणी देण्याचे आव्हान उभे ठाकले आहे.
राजूरवाडी, कवठाळ, तुळजापूर, या शेत शिवरातून राधेशाम रामलाल राठी, सुनील कडू, मुरलीधर खडसे,दिलीप मुंदाणे, आणि कवठाळ येथील शेतकरी यांच्या शेतात रब्बी पिकातील चणा (हरभरा ), या पिकांच्या ओलीता साठी कॅनल वरून ओलीत सुरु होते, मात्र चोरट्यानी लक्ष करून अनेक शेतकऱ्यांच्या शेतातील मोटर चे केबल, स्प्रिंकर नौझल, अशे शेती उपयोगी साहित्या सह चोरून नेले, यांची तक्रार शिरखेड पोलिसांना देली असून अधण्यात आरोपीचा शोध सुरु झाला आहे,शेतात पोलीस अधिकारी येऊन पंचनामा करून चौकशी सुरु केली आहे.
