मालवाहू जहाज बुडाले,  24 स्क्रू मेंबर पैकी चार लोकांना वाचविण्यात यश,  तर 20 बेपत्ता

बहुतांश क्रू मेंबर्स चिनी नागरिक

एका वरिष्ठ IPS अधिकाऱ्याने सांगितले की, जहाजावरील किती क्रू मेंबर्सची सुटका झाली आहे याची माहिती अद्याप निश्चित झालेली नाही. क्रू मेंबर्सपैकी किती जणांची सुटका झाली आहे, याबाबत आम्हाला अद्याप खात्री नाही. जहाजावरील बहुतांश क्रू मेंबर्स चिनी नागरिक असल्याचेही अधिकाऱ्यांनी सांगितले.

ओडिशाच्या किनाऱ्यावरून निघाले होते जहाज

हे जहाज शुक्रवारी ओडिशाच्या किनाऱ्यावरून रवाना झाले होते. त्यानंतर बंगालच्या उपसागरात त्याचा अपघात झाला आणि जहाज समुद्रात बुडाले. हे जहाज जगतीसिंगपूर जिल्ह्यातील पारादीप किनाऱ्यापासून सुमारे 444 किलोमीटर अंतरावर बुडाले असल्याचे सांगण्यात आले आहे.

जहाज कशामुळे बुडाले?

जहाज नेमके कोणत्या कारणामुळे बुडाले याबाबत अद्याप अधिकृत माहिती समोर आलेली नाही. तसेच जहाजावरील सर्व क्रू मेंबर्सची सद्यस्थिती काय आहे, याबाबतही माहिती मिळणे बाकी आहे. भारतीय तटरक्षक दल आणि नौदलाकडून बचावकार्य सुरू असून परिसरातील इतर जहाजांनाही या मोहिमेत मदत करण्यास सांगण्यात आले आहे. क्रू मेंबर्सची संख्या, किती जणांची सुटका झाली आणि जहाज बुडण्यामागचे नेमके कारण याबाबत अधिक माहिती बचावकार्य पुढे गेल्यानंतर समोर येण्याची शक्यता आहे.