भावजय, पुतण्या आणि पुतनी वर तलवारीने वार तिन्ही ठार 

अडीच एकर जमिनीसाठी हैवान झालेला नराधम काका… एका रात्री कित्येकांचं आयुष्य संपवतो. सोलापूरमधील बोरामणी हत्याकांडात आता धक्कादायक माहिती समोर आली आहे. चुलत्याने शिवराजवर एक दोन नाही तर सपासप 49 वार केल्याचं पोस्ट मॉर्टम रिपोर्टमधून समोर आलं आहे. तर शिवराजच्या आईवर त्याने 16 वार केले.

 त्याशिवाय शिवराजच्या बहिणीवर त्याने 6 वेळा वार केले अन् तिला देखील संपवलं होतं. पोलिसांनी या प्रकरणी 280 पानांचे दोषारोपत्र दाखल केलं असून 30 साक्षीदारांची नावं निश्चित केली आहेत.

दरम्यान, 16 वर्षाच्या शिवराजने मृत्यूपूर्वी आपल्या बहिणीला वाचवण्याचा प्रयत्न केल्याची माहिती देखील समोर आली आहे. काका जेव्हा आईवर वार करत होता, तेव्हा शिवराज झोपेतून जागा झाला अन् त्याने आईला वाचवण्याचा प्रयत्न केला. तिथंही त्याच्यावर वार झाला. आईला संपवल्यानंतर काका पुतनीला मारायला निघाला तेव्हा अंगावर तलवारीचे वार खाललेल्या शिवराजने बहिणीला वाचवण्यासाठी पूर्ण ताकद लावली पण अखेर त्याला अपयश आलं. काकाने तिघांना मारून मनाची भूक शांत केली पण अखेर तो कायद्याच्या कचाट्यात सापडला.