ह.भ.प.राहुल साळुंखे यांच्यावर बलात्काराचा गुन्हा,साळुंखे फरार

नाशिक / विशेष प्रतिनिधी

                    प्रति पंढरी आणि वारकऱ्यांचे श्रद्धास्थान म्हणून ओळखल्या जाणाऱ्या त्र्यंबकेश्वर येथील संत  निवृत्तीनाथ महाराज समाधी देवस्थानचे अध्यक्ष ह.भ.प. राहुल साळुंखे यांच्याविरोधात बलात्काराचा अत्यंत गंभीर गुन्हा दाखल झाला आहे. यामुळे   आध्यात्मिक आणि सामाजिक वर्तुळात प्रचंड खळबळ उडाली आहे.

 एका महिलेला लग्नाचं आमिष दाखवून तिचं लैंगिक शोषण केल्याचा आरोप साळुंखे यांच्यावर करण्यात आला आहे. या प्रकरणी नाशिकच्या इंदिरानगर पोलीस ठाण्यात गुन्हा दाखल करण्यात आला आहे. गुन्हा दाखल होताच संशयित आरोपी साळुंखे फरार झाला असून पोलीस त्याचा कसून शोध घेत आहेत.