नागपूर / नवप्रहार डेस्क
सुनीता राऊत या मुलगा अखिलेश, सून वैशाली आणि पाच वर्षांची नात स्विटीसोबत राहत होते. २०२३ मध्ये अखिलेशचा आजारपणात मृत्यू झाला. तेव्हापासून विधवा सून मुलगी व सासूसोबत राहायला लागली.
पतीचे आजारपणात निधन झाल्याने वैशाली आपल्या ५ वर्षाच्या मुलीला घेऊन सासुसोबत राहत होती. पण तारुण्यात वैद्यत्व आल्याने वैशाली ला स्वतःच्या लैंगिक इच्छेवर कंट्रोल ठेवणे कठीण झाले. त्यामुळे ती दिवंगत पतीचा मित्र असलेल्या अनिल नावाच्या तरुणाच्या प्रेमात पडली. सुरवातीला दोघे लपुनछपून भेटत होते. पण नंतर तो सासू सुनीता घरी नसताना तिच्या घरी येऊ लागला. याबद्दल सासू सुनीताला कळल्यावर तिने वैशाली लां समजावण्याचा आटोकाट प्रयत्न केला. पण प्रेमात वाहून गेलेल्या वैशाली वर तिच्या बोलण्याचा काहीच परिणाम झाला नाही.
त्यामुळे सासू सूनेत वाद होऊ लागले. या वादाला कंटाळलेल्या वैशाली ने सासू चां मार्गात असलेला अडसर दूर करण्याचे ठरवले .आणि आपल्या दोन चुकत भावांना सासू सुनीता च्या हत्येची सुपारी दिली.तीने आपले दोन्ही चुलत भाऊ श्रीकांत ऊर्फ समीर नरेंद्र हिवसे (२५) आणि रितेश प्रकाश हिवसे (२७, रा. भांडारगोंडी, ता. पांढुर्णा-मध्यप्रदेश) यांना कटात सहभागी करुन घेतले. सासूच्या मृत्यूनंतर दोन भूखंड आणि घर विकून पैसे मिळाल्यानंतर दोन लाख रुपये देण्याचे ठरविले. दोघांनीही सुनीता यांचा खून करण्यासाठी होकार दर्शविला.
असे घडले हत्याकांड
सून वैशालीने २८ ऑगस्टला दोन्ही चुलत भाऊ रितेश आणि श्रीकांत यांना नागपुरात बोलावले. मध्यरात्री मागच्या दारातून घरात घेतले. वैशालीने सासूचे उशीने नाक-तोंड दाबले तर दोघांनी सासूचा गळा हाताने आवळला. मध्यरात्रीच दोघेही निघून गेले तर सूनेने दुसऱ्या दिवशी सासू हृदयविकाराच्या धक्क्याने मरण पावल्याचा बनाव केला. नातेवाईकांनीही सुनेच्या बोलण्यावर विश्वास करुन अंत्यसंस्कार पार पडले. अशा प्रकारे हत्याकांड दाबल्या गेले.
अजनी पोलिसांनी सूतावरून गाठला स्वर्ग –
अजनीचे ठाणेदार नितीनचंद्र राजकुमार आणि लक्ष्मण केंद्रे यांना सुनीता राऊत यांच्या मृत्यूबाबत संशय आला. घटनेच्या १२ दिवसांपर्यंत सूक्ष्म तपास केला. त्यांनी पाच वर्षांच्या मुलीला चॉकलेट-आईसक्रिम देऊन घटना विचारली. शेजाऱ्यांमध्ये जाऊन घटनेची चौकशी केली. वैशालीच्या हालचालींवर थोडा संशय बळावला. अंत्यसंस्कार झाल्यामुळे कोणताही धागा नसताना देखील तांत्रिक पुरावे गोळा केले. त्यात खात्री झाल्यानंतर वैशालीला ताब्यात घेतले. तिला वारंवार खोटे बोलत असल्याने तिला पोलिसी खाक्या दाखविल्या. त्यामुळे तिने सुपारी देऊन खून केल्याची कबुली दिली. पोलिसांनी दोन्ही आरोपींना अटक करुन हत्याकांड उघडकीस आणले.
दोन लाख रुपयांत सुपारी
विधवा सुनेचे एका युवकाशी प्रेमसंबंध असल्याची कुणकुण सासूला लागली. सुनेच्या प्रेमसंबंधात आड येणाऱ्या सासूचा सुनेने दोन लाख रुपयांत सुपारी देऊन खून केला. ही खळबळजनक घटना अजनीत उघडकीस आली. सुनीता ओंकार राऊत (५४, मित्रनगर, अजनी) असे खून झालेल्या सासूचे तर वैशाली अखिलेश राऊत (३२) असे आरोपी सुनेचे नाव आहे. अजनी पोलिसांनी या हत्याकांडात सहभागी असलेल्या दोघांना अटक केली. यापूर्वी, अजनीत अर्चना पुट्टेवार आणि प्रशांत पार्लेवार या बहिण भावाने सासरे पुरुषोत्तम पार्रेवार यांचा सुपारी देऊन खून केल्याची घटना काही दिवसांपूर्वीच उघडकीस आली होती, हे विशेष.
