घरात मुलीच्या लग्नाची तयारी हळदीच्या दिवशी मुलगी गायब 

जमुई (बिहार) / नवप्रहार मीडिया 

                   लग्न म्हटलं की घरात आनंदाचे वातावरण असते. लहानण्यां पासून ते मोठ्या पर्यंत सगळेच आपआपली जबाबदारी योग्य रित्या पार पाडण्याचा प्रयत्न करत असतात.पण हळदीच्या दिवशी जर मुलगी घरातून पळून गेली तर कुटुंबावर काय बीतते हे त्यांचे त्यांनाच माहीत. असाच प्रकार बिहार मधील जमुई मधून समोर आला आहे.

बिहारमधील जमुई येथील असाच एक प्रकार समोर आला आहे. एका तरुणीने प्रेम करत असलेल्या मुलाशी लग्न करण्यासाठी सर्वांना थक्क करणारा निर्णय घेतलाय. घरामध्ये एकीकडे तिच्या लग्नाची तयारी चालू असताना दुसरीकडे तिने घरातून प्रियकरासोबत पळ काढलाय. विशेष म्हणजे हे प्रकरण पोलिसांपर्यंत गेल्यानंतर या प्रेमी युगुलांच्या भूमिकेमुळे सगलेच अवाक् झाले आहेत.

नेमकं काय घडलं?

मिळालेल्या माहितीनुसार हा प्रकार बिहारमधील जमुई येथील आहे. येथे एका तरुणीच्या लग्नाची तयारी चालू होती. लग्न अवघ्या काही दिवसांवर आले होते. या तरुणीचे एका तरुणावर प्रेम होते. मात्र तिच्या कुटुंबीयांनी तिचे लग्न अन्य ठिकाणी लावून देण्याचं ठरवलं होतं. तशी तयारीदेखील झाली होती. प्रत्यक्ष लग्नापूर्वीच्या वेगवेगळ्या प्रथा-परंपरा आणि विधी पार पाडण्यास सुरुवातही झाली होती. त्याचाच एक भाग म्हणून या तरुणीला हळदही लावण्यात आली होती. मात्र अवघ्या काही दिवसांवर लग्न आलेलं असताना ही तरुणी आपल्या प्रेमीसोबत घरातून पळून गेली.

तरुणीने केलं लग्न

घरात ही तरुणी न दिसल्यामुळे तिच्या कुटुंबियांनी आमची मुलगी गायब असल्याची पोलिसांत तक्रार दिली. पोलिसांनी या प्रकरणाचा अधिक तपास केल्यानंतर खरा प्रकार समोर आला. या तरुणीने आपल्या प्रेमीसोबत पळून जाऊन लग्न केलं होतं. विशेष म्हणजे हे नवविवाहित दाम्पत्य तरुणाच्या गावात जाऊन राहात होते. त्यांच्या वैवाहिक आयुष्याला सुरुवात झाली होती. याच गावात पोलीस पोहोचल्यानंतर घरातून पळ काढलेली तरुणी आणि तिचा नवरा एकमेकांना सोडायला तयार नव्हते. आम्ही एकवेळ मरून जाऊ पण एकमेकांना सोडणार नाही, असा पवित्राच या दाम्पत्याने घेतला होता. त्यामुळे नेमकं काय करावं, हे पोलिसांनाही समजत नव्हतं.