अन् कावळा हुशारच असतो हे कावळ्याने पुन्हा एकदा केले सिद्ध 

अन् कावळा हुशारच असतो हे कावळ्याने पुन्हा एकदा केले सिद्ध

तुम्ही – आम्ही लहान असताना आपण पुस्तकात एका हुशार कावळ्या बद्दलची कथा वाचली आहे. ज्यात प्रमुख पात्र असलेल्या कावळ्याला जोराची तहान लागते. त्याला ऐका माठात पाणी दिसते.पण पाणी तळाला लागले असल्याने त्याची चोच त्यापर्यंत पोहोचू शकत नाही. आणि मग तो ऐक युक्ती लावतो. तो जवळपास असलेले दगड उचलून माठात टाकतो आणि त्यानंतर हळूहळू पाणी वर येऊ लागते. त्याची चोच पोहचे पर्यंत तो त्या माठात खडे टाकत असतो. आणि पाणी त्याच्या चोचे पर्यंत पोहचले की मग पाणी पितो आणि भुर्र…. कन उडून जातो.

सध्या सोशल मिडियावर असाच एक व्हिडिओ व्हायरल होत आहे. ज्यामध्ये कावळा अगदी कथेतील कावळ्यासारखं पाणी पिताना दिसत आहे.

या व्हिडीओमध्ये तुम्ही पाहू शकता की, हा कावळा कथेतील कावळ्यासारखीच काॅपी करताना दिसतोय. सोशल मीडियावर व्हायरल होत असलेल्या या व्हिडिओमध्ये एक कावळा पाण्याच्या बाटलीकडे जातो. या बाटलीतील पाणी तळाशी गेलेले असते. पण हा हुशार कावळा खऱ्या आयुष्यात बाटलीतून पाणी पिण्यासाठी चक्क एक एक खडे टाकताना दिसतो. त्यामुळे पाण्याची पातळी वर येताना दिसते आणि त्यानंतर हा कावळा पाणी पिऊन आपली तहान भागवतो. हा व्हिडीओ पाहिल्यानंतर लोक पूर्णपणे थक्क झाले आहेत. लहानपणी वाचलेली ही तीच कथा आहे, असे लोकांना वाटते.

हा व्हिडिओ ट्विटरवर शेअर करण्यात आला आहे. gunsnrosesgirl3 नावाच्या एका ट्विटर यूजरने हा व्हिडिओ शेअर केला आहे. ही बातमी लिहिपर्यंत या व्हिडिओला ७५ लाखांहून अधिक व्ह्यूज मिळाले आहेत. या व्हिडिओवर अनेकांच्या कमेंट्सही पाहायला मिळत आहेत. कमेंट करताना एका यूजरने लिहिले आहे – ही जुनी गोष्ट आहे. आणखी एका यूजरने लिहिले आहे, हा कावळा खूप हुशार आहे.