शंकाळू स्वभाव ठरला सना साठी घातक 

हत्येनंतर गाडीत 10 दिवस लपून होता 

वर्दीतील गुप्तहेर देत होते त्याला प्रत्येक क्षणाची माहिती 

नागपूर / पी संजू 

                 भारतीय अल्पसंख्याक सेल च्या पदाधिकारी सना खान उर्फ हिना कौसर हिच्या हत्येमागे तिचा शंकाळू स्वभाव कारणीभूत असल्याचे समोर आले आहे. सना ची हत्या केल्यानंतर  पप्पू उर्फ अमित शाहू हा स्वतःच्या गाडीत मोबाईल बंद करून फिरत होता. वर्दीतील गुप्तहेर त्याला नागपूर पोलिसांच्या प्रत्येक बाबीची माहिती देत होते. सना ही जबलपूर ला पोहचल्यानंतर तिने त्याच्याशी वाद घालणे सुरू केले होते. ती जोर जोराने ओरडत असल्याने शेजाऱ्यांना तिचा आवाज जात असल्याने त्याने तिच्या डोक्यात काठी मारून तिचा खून केल्याची कबुली दिली आहे.

अवघ्या 3 महिनायनपूर्वी झाला होता नोंदणी विवाह – सना आरोपी अमित साहूच्या संपर्कात कशी आली, त्याबाबत वेगवेगळ्या चर्चा आहे. त्याच्याशी घनिष्ट संबंध निर्माण झाल्यानंतर सनाच्या जबलपूर वाऱ्या आणि आरोपी साहूच्या नागपूर वाऱ्या वाढल्या होत्या. या पार्श्वभूमीवर, जबलपूरला सना आणि अमितने दि. २४ एप्रिल २०२३ला रजिस्टर्ड मॅरेज केले. शेरसिंह मीना नामक अधिकाऱ्याने त्यांना विवाह केल्याचे प्रमाणपत्र दिले. यावर अमितचे जबलपुरातील दोन, तर सनाचा नागपुरातील एक निकटस्थ उपस्थित होता. साक्षीदार म्हणून या तिघांनी तेथे सह्या केल्या.

तर, लग्नाच्या दोन महिन्यांतच सनाने आरोपीला ‘नव्या पाहुण्याची’ गोड बातमी दिली आणि येथूनच आरोपीसोबत सना उर्फ हिना काैसर खान हिचा वाद तीव्र झाला, अशी धक्कादायक माहिती सनाच्या निकटस्थ गोटातून पुढे आली आहे.

सना झाली होती गर्भवती, जबलपूर मध्ये करण्यात आला होता गर्भपात –  लग्नाच्या दोन महिन्यांनी सनाने आरोपी अमितला नव्या पाहुण्याच्या आगमनाची गुड न्यूज दिली आणि तेथूनच आरोपीसोबत सनाचे खटके उडू लागल्याचे सांगितले जाते. या पार्श्वभूमीवर, आरोपी सनासोबत दोन महिन्यांपूर्वी नागपुरात आला. अमरावती मार्गावरील एका खासगी रुग्णालयात सनाला भरती करून गर्भपात करण्यात आल्याचेही सांगितले जाते. त्यानंतर सनाने गांधीबागमधील एका डॉक्टरकडूनही उपचार घेतले.

खून करून मृतदेह हिरण नदीत फेकला- २ ऑगस्टच्या सकाळपासून बेपत्ता झालेल्या सनाची हत्या करून तिचा मृतदेह हिरन नदीत फेकल्याची कबुली आरोपी अमित साहूने दिली आहे. नोंदणीकृत विवाह केल्याच्या अवघ्या साडेतीन महिन्यांतच सनाची हत्या झाल्याने संबंधित वर्तुळात खळबळ उडाली आहे. राजकीय वर्तुळात वावरताना सनाचे अनेकांशी चांगले आणि मैत्रिपूर्ण संबंध निर्माण झाले होते. तिची अशाप्रकारे हत्या झाल्याचे कळाल्याने सनाच्या निकटस्थ असलेल्या अनेकांना जबर धक्का बसला आहे.

हत्या करून पप्पू फिरत होता स्वतःच्या गाडीत – हत्येनंतर पप्पू शाहू हा पकडल्या जाण्याच्या भीतीने त्यानंतर त्याच्या वॅगणार आर गाडीत शहरात फिरत होता.  पोलिसांना त्याचे लोकेशन मिळू नये म्हणून खबरदारी म्हणून त्याने आपला मोबाईल बंद ठेवला होता.

खकितील हेर देत होते त्याला प्रत्येक क्षणाची बातमी –  पप्पू उर्फ अमित शाहू याचे खाकी वर्दीतील हेर त्याला नागपूर पोलिसांच्या हालचालींचा प्रत्येक क्षणाची माहिती देत होते. यामुळे त्याला स्वतःला अटके पासून वाचविण्यात मदत होत होती. पण नागपूर पोलिसांच्या वाढत्या दबाबा मुळे पप्पू ला अटक झाली.

प्रमाणपत्रावर वयात फरक
सनाची हत्या आरोपीने नेमकी कोणत्या कारणामुळे केली ते अजून उघड झाले नाही. अनेकजण याबाबत तर्क लावत असले तरी हत्येचे कारण वेगळेच असल्याचा निकटस्थ मंडळींचा अंदाज आहे. लग्नाच्या प्रमाणपत्रावर आरोपीचे वय ३५, तर सनाचे वय ३८ दिसून येते.

पहिले लग्नही अल्पकाळच टिकले
सना उर्फ हिनाच्या निकटस्थ असलेल्यांच्या माहितीनुसार, ती २००८-०९ ला हिस्लॉपमध्ये शिकत असताना ईमरान शेख नामक तरुण तिला बाईकवर आणून सोडायचा. दोघांचेही पारिवारिक संबंध असल्याने २००९ मध्ये सनाचा विवाह ईमरानसोबत झाला. त्यांना एक मुलगाही झाला. सना काहीशी मुक्त आणि पुरोगामी विचाराची होती. त्यामुळे लग्नाच्या दोन वर्षानंतर त्यांच्यात खटके उडायला लागले. त्यानंतर सना वेगळी झाली. सनाचे जाफरनगर परिसरात मोठे निवासस्थान असून त्यांच्याकडे अनेक भाडेकरू आहेत. ‘सामाजिक वर्तुळात’ वावरतानाच ती २०१४-१५ ला राजकारणात आली. नंतर भारतीय जनता पार्टीच्या महिला मोर्चात तिने काम केले. त्यानंतर अल्पसंख्यांक सेलची महामंत्री म्हणून सना सक्रिय होती.