पाण्याखाली शार्क माशांच्या गराड्यात त्याने तिला केले प्रपोज

लंडन / नवप्रहार डेस्क 

                 सध्या प्रेमात असलेल्या व्यक्तीला आगळ्यावेगळ्या पद्धतीने प्रपोज करण्याचे ट्रेंड जबर वाढलंय. कोणी खेळाच्या मैदानात, कोणी विमानात तर कोणी अन्य ठिकाणी आपल्या आवडत्या व्यक्तीला प्रपोज करून जगाचे लक्ष वेधण्याचा प्रयत्न करतांना दिसत आहे. अशाच एका प्रियकराने आपल्या प्रेयसीला पाण्याखाली शार्क माशांच्या गराड्यात प्रपोज केलय. या प्रपोज ची चांगलीच चर्चा रंगलीय. 

 ब्रिटनमधील या तरुणाने शार्क माशांच्या जवळ जाऊन प्रेयसीला प्रपोज केलं. विशेष म्हणजे त्याच्या गर्लफ्रेंडला शार्क खूप आवडतात. त्यामुळे त्याने पाण्याखाली शार्क मासे आजूबाजूला असताना प्रेयसीला प्रपोज केलं आहे. ही अनोखी घटना ब्रिटनमधील लिंकनशायर येथील स्केग्‍नेस ॲक्वॅरियममध्ये घडली. बकिंघमशायर येथील जेम्स वॉल्श आणि त्याची गर्लफ्रेंड पेगी कूक हे शार्कसोबत ड्रायव्हिंगचा अनुभव घेण्यासाठी गेली होती. त्याच वेळी जेम्सने पेगीला सरप्राइज देण्याचे ठरवले आणि १० सप्टेंबरला पाण्याखाली त्याने लग्‍नासाठी असे प्रपोज केले. जेम्सने हा प्लॅन अचानक केला नव्हता. त्याने प्रपोज करण्याआधीच ॲक्वॅरियमच्या प्रशासनाशी संपर्क साधला आणि प्लॅन तयार केला.