देखणी आणि डॉक्टर असलेल्या तरुणीला स्थळ येत नसल्याचे ती चिंताग्रस्त 

                  एखादी तरुणी देखणी असली की तिच्यासाठी अनेक स्थळ स्वतःहून चालत येतात.त्यातल्या त्यात ती जर एखादी अधिकारी किंवा अन्य कुठे मोठ्या पदावर असली की मग तर स्थळांची रांगच लागते.पण एका तरुणीने आपले दुःख सोशल मीडियावर व्यक्त करत तिच्या मनात चाललेली घालमेळ आणि चिंता व्यक्त केली आहे. तिच्या मते ती एक सर्जन आहे आणि दिसायला सुंदर आहे तरी तिला स्थळ येत नाहीये.

या संदर्भात सोशल मीडियावर तिने आपली खंत मांडली आहे. ती म्हणते तिची घरची मंडळी तिच्यासाठी स्थळ शोधत आहेत. स्थळ पाहायला येणाऱ्या लोकांना कुटुंबाला आमचे कुटुंब आवडते. माझे प्रोफेशन देखील आवडते. माझ्या बोलण्याचा राहाण्याचा अंदाजही आवडतो. सर्वकाही पसंद पडते. परंतू एक गोष्ट कळताच हे लोक मला नकार देतात असे जस्मीन हीने म्हटले आहे.

एक रुपवान तरुणी चांगली डॉक्टर असूनही तिचे लग्न ठरत नाहीए, याला काय म्हणाल. सर्जन जॅस्मीन कालसी ही इंस्टाग्रामवर एक व्हिडीओ शेअर करुन आपले दु:ख मांडले आहे. ती म्हणते की प्रसिद्ध होणे काय पाप आहे का ? जॅस्मीन म्हणते मला २ लाख फॉओअर्स असूनही लग्नासाठी एक लायक मुलगा मिळत नाहीए. जॅस्मीनचा हा व्हिडीओ इंटरनेटवर व्हायरल होत आहे.

प्रसिद्ध असल्याने मिळतोय नकार…

जॅस्मीन हीने सांगितले की जेव्हा मुलांकडची मंडळी माझे फोटो माझ्या पालकांकडे मागतात तेव्हा ते त्यांना एकदा इंस्टाग्रामवर डॉ. जैस्मीन कालसी नावाने सर्च करा असा सल्ला देतात. त्यानंतर त्या मुलाच्या नातेवाईकांचे उत्तर येते की तुमची मुलगी तर खूप प्रसिद्ध आहे. आमच्याकडे ती अडजस्ट करु शकणार नाही. जॅस्मीनच्या मते त्यांची सोशल मीडियावरील लोकप्रियता पाहून त्यांना रिजेक्ट केले जाते.

काय कंटेंट टाकते जॅस्मीन ?

जॅस्मीनच्या मते जास्त फॉलोअर्स असण्याचा अर्थ सेलिब्रिटी होणे नसते. त्या म्हणाल्या की माझा रिच इंस्टाग्रामचा आहे, औकातचा नाही. जॅस्मीनच्या अनुभवाने लग्नात महिलांचे करियर आणि सोशल मीडियावरील उपस्थिती संदर्भात चर्चा सुरु झाली आहे. पेशाने सर्जन असलेली आणि कंटेन्ट क्रिएटर जॅस्मीन मेडिकल एज्युकेशन आणि रुग्णांना जागरुक करणारे व्हिडीओ इंस्टाग्रामवर पोस्ट करत असते. ती म्हणते माझी इंस्टाग्राम पोस्ट पाहा मी कोणी सेलिब्रिटी नाही केवळ एक डॉक्टर आहे. जिच्या रिल्स काही लोक पहातात.