चालकाचे नियंत्रण सुटल्याने बस दरीत कोसळून तीन प्रवाश्यांचा मृत्यू

परतवाडा आगाराची ही बस असून रविवारी सकाळी साडे अकराच्या सुमारास बसचा अपघात झाला. या अपघातात एका महिलेसह तिघांचा मृत्यू झाला आहे. मृतदेह एसटी बसमध्येच अडकले असून ते बाहेर काढण्याचं काम सुरू आहे. जवाहर कुंड इथं वळणावर ३० फूट खोल दरीत बस कोसळली. अपघातातील जखमींना उपचारासाठी रुग्णालयात दाखल करण्यात आळं आहे. अपघाताची माहिती मिळताच पोलीस आणि प्रशासनातील अधिकारी घटनास्थळी दाखल झाले असून बचावकार्य वेगाने राबवलं जात आहे.