प्रेमाचे नाटक करून तीन वर्षे लैंगिक संबंध ठेवणाऱ्या तरुणाला महिलेने शिकविला धडा

औरंगाबाद ( बिहार)/ नवप्रहार न्यूज नेटवर्क 

                       अँड्रॉइड मोबाईल आल्यापासून आणि सोशल मीडियाचा वापर वाढल्यानंतर प्रेम, लव्ह आणि धोका या घटनेत प्रचंड वाढ झाली आहे. माध्यमांवर अश्या घटना नेहमीच ऐकण्यात आणि वाचण्यात येतात. अश्या प्रकरणात नेहमीच बदनामीच्या भीतीने तरुणी किंवा महिला गप्प राहणेच पसंद करतात. पण एका तरुणाने महिले सोबत असाच फ्रॉड केल्याने तिने त्याला आयुष्याचा धडा शिकवला. 

 एका तरुणाने एका विवाहितेसोबत प्रेमाचे नाटक करून 3 वर्षे शारीरिक संबंध ठेवले. नंतर तिच्यापासून सुटका करुन घेण्यासाठी तिचा व्हिडिओ व्हायरल करून बदनामी केली. महिलेच्या पतीने तिला टाकले. मात्र, त्यानंतर महिलेने जे केले त्यामुळे तरुणाला चांगलीच अद्दल घडली आहे. महिला तरुणाला फरफटत घेऊन औरंगाबाद न्यायालयाच्या आवारात पोहोचली.

तरुण रडायला लागला आणि हात जोडून माफी मागितली. यावर महिला म्हणाली, रडून कर किंवा हसून, पण लग्न करावे लागेल. याठिकाणी बराच वेळ दोघांमध्ये हायव्होल्टेज ड्रामा सुरू होता. मिळालेल्या माहितीनुसार, हे प्रकरण नबीनगर आणि अंबा ब्लॉकशी संबंधित आहे.

नबीनगर पोलीस ठाण्याच्या हद्दीतील एका महिलेचे अंबा पोलीस ठाण्यातील नरहर अंबा येथील अरुणकुमार याच्याशी प्रेमसंबंध होते. या महिलेचा आरोप आहे की, दोघांमध्ये हे संबंध तीन वर्षांपासून गुपचूप सुरू होते. त्यानंतर तरुणाने महिलेपासून सुटका करण्याचा प्रयत्न सुरू केला. यासाठी त्याने महिलेचा आक्षेपार्ह व्हिडिओ व्हायरल केला.

हा व्हिडिओ पती आणि दिरापर्यंत पोहोचला, त्यानंतर पतीने तिला सोडले.

तरुणाने पाठ फिरवताच महिला भडकली पतीने सोडून दिल्यानंतर ही महिला बेघर झाली. तिने तरुणाला तिच्याशी लग्न करण्याची विनंती केली. तरुणाला याला नकार दिला.

यावर महिलेला राग आला. तिने त्या तरुणाला पकडले आणि औरंगाबाद कोर्टात पोहोचली, तिथे एका वकिलाने दोघांच्या लग्नासाठी एक करार-प्रतिज्ञापत्रही तयार केले. या तरुणाने एकत्र राहण्याच्या करारावर स्वाक्षरी करण्यास नकार देण्यास सुरुवात केली. यावरून पुन्हा वादावादी सुरू झाली.

तरुण म्हणाला, माझ्याकडून चूक झाली, मला माफ करा महिलेने दबाव टाकल्यावर तरुणाने आपली चूक मान्य करत माफी मागितली. तो म्हणाला मला सोडा, पण बाई म्हणाली तुझ्यामुळे मला नवऱ्याने सोडून दिलं. आता एका मुलासोबत कुठे जाणार.

तू माझ्याशी संबंध ठेवलेस. सर्व काही केले आणि व्हिडिओ व्हायरल केला. आता तुला सोडू शकत नाही. रडून किंवा हसून कर, तुला माझ्याशीच लग्न करावं लागेल. सध्या हे प्रकरण पोलिसांपर्यंत पोहोचले आहे. पोलीस दोघांमध्ये मध्यस्थी करण्याचा प्रयत्न करत आहेत.