भंडारा / हंसराज
भंडारा हायवे क्रमांक 53 वर कारधा टोलनाक्या जवळ मुख्य रस्त्यावर सकाळी नऊ वाजता एक भयंकर रोड अपघात घडला. यात लोखंड घेऊन जाणाऱ्या ट्रक क्र.CG- 04 MT 9496 ने शेतातून घरी परतत असलेल्या दुचाकी चालक
संपत भोयर वय 68 वर्ष रा. कारधा याला जबर धडक दिल्याने संपत भोयर याचा ट्रक खाली आल्याने मृत्यू झाला.
अपघाताची माहिती मिळताच पोलिस आणि एंबुलन्स तात्काळ घटनास्थळी दाखल झाले. ट्रक चालकाला पोलिसांनी ताब्यात घेतले असून त्यांची चौकशी सुरू आहे. अपघाताचे कारण आणि संबंधित व्यक्तींची जबाबदारी निश्चित करण्यासाठी पोलिस तपास करत आहेत.
या घटनेमुळे एका कुटुंबाला मोठा धक्का बसला आहे. अशा प्रकारच्या अपघातांना रोखण्यासाठी सर्वांनी सावधानतेने वाहने चालवावीत आणि सुरक्षित वाहतूक नियमांचे पालन करावे, असे आवाहन करण्यात येत आहे. रोड सुरक्षा आणि वाहतूक व्यवस्थापनावर लक्ष केंद्रित करण्याची गरज आहे, ज्यामुळे अशा दुर्घटना टाळता येतील.
