31 डिसेंबर जीवावर बेतला ; तरुणाचा मृत्यू

               मयूर भाटी असे नदीत बुडून मृत्यू झालेल्या तरुणाचं नाव आहे. याप्रकरणी तळेगाव एमआयडीसी पोलीस ठाण्यात नोंद करण्यात आली आहे. तो आपल्या मित्रांसोबत इथे आला होता यावेळी मयूर हा पाण्यात पोहोण्यासाठी उतरला मात्र पाण्याच्या खोलीचा अंदाज न आल्याने त्याचा बु़डून मृत्यू झाला. सोबत आलेल्या मित्रांना मयूर बुडाल्याचे समजताच त्यांनी मदतीसाठी स्थानिक ग्रामस्थांना बोलावलं, मात्र तोपर्यंत खूप उशिर झाला होता. वन्यजीव रक्षक मावळ संस्थेचे सदस्य आणि पोलिसांनी घटनास्थळी धाव घेऊन मयूरचा मृतदेह नदीबाहेर काढला.