अती  मद्यपाना मुळे कापावा लागला प्रायव्हेट पार्ट 

अती घाई संकटात नेई त्याचप्रमाने अती मद्यपान संकटात नेई च आला प्रत्यय 

नवप्रहार इंटरनॅशनल डेस्क 

           मद्यपान ला घेऊन अनेक तर्कवितर्क लावले जातात. काही संशोधनातून मद्यपान करणे शरीरासाठी योग्य असल्याचे समोर आले आहे. तर काही संशोधक मद्यपान ( दारू ) करणे शरीरासाठी घातक असल्याचे सांगतात. काही जरी असेल तरी कुठलीही गोष्ट अती झाली की तिचे दुष्परिणाम दिसायला लागतात. म्हणूनच ‘ अती तिथं माती ‘ अस.म्हटल्या जाते. याची प्रचिती अती दारू पिणाऱ्या व्यक्तीला आली आहे.

 या  व्यक्तीला मद्यपानाचं व्यसन चांगलंच महागात पडलं. जास्त प्रमाणात आणि सातत्याने मद्यपान केल्याने या व्यक्तीचा प्रायव्हेट पार्ट अर्थात गुप्तांग खराब झालं आणि डॉक्टरांना शस्त्रक्रिया करून ते कापून टाकण्याचा निर्णय घ्यावा लागला.

याविषयी अधिक माहिती घेऊ या.

काही जण मद्यपानाच्या इतके आहारी जातात, की कोणत्याही परिस्थितीत ते दारूपासून लांब राहू शकत नाहीत. अशा व्यक्ती शेवटी गंभीर आजाराला बळी पडतात. एका व्यक्तीला जास्त मद्यपान केल्याने रुग्णालयात दाखल व्हावं लागलं आणि डॉक्टरांनी त्याच्या गुप्तांगावर शस्त्रक्रिया करण्याचा निर्णय घेतला.

‘द मिरर’च्या वृत्तानुसार, 65 वर्षांची एक व्यक्ती तीव्र ताप आल्याने रुग्णालयात दाखल झाली.डॉक्टरांनी तपासणी केली असता, व्यक्तीच्या गुप्तांगात संसर्ग झाला होता, असं दिसून आलं. त्यामुळे डॉक्टरांनी त्याच्यावर उपचार केले आणि त्याला इंजेक्शन दिलं; पण त्याची प्रकृती अधिकच खालावली. रुग्णाला बरं न वाटल्याने तो परत डॉक्टरांकडे गेला. त्या वेळी डॉक्टरांनी त्याचं गु्प्तांग कापण्याचा निर्णय घेतला. त्याच्या गु्प्तांगात गँगरीन झालं होतं. त्यामुळे त्यातल्या पेशी काळ्या पडल्या होत्या. अति मद्यपानामुळे गँगरीन आणि मूत्रविसर्जनाशी संबंधित समस्या निर्माण होतात, असं डॉक्टरांनी सांगितलं.

डॉक्टरांनी सांगितलं, की ‘या व्यक्तीच्या लिंगावर इस्केमिक गँगरीन होणं ही दुर्मीळ घटना आहे. कारण या अवयवात पुरेसा रक्तपुरवठा होत असतो.’ रुग्णाला डॉक्टरांनी या आजाराची माहिती देऊन उपचार सांगितले. रुग्णाने उपचारांना सहमती दर्शवली. ही व्यक्ती जास्त मद्यपान करत असल्याने गँगरीन झालं, असं सांगितलं जात आहे.

अशा प्रकारची गंभीर जोखीम कमी करण्यासाठी मूत्ररोगतज्ज्ञाचा तात्काळ सल्ला घ्यावा. गँगरीन ही अशी स्थिती आहे, ज्यात रक्तप्रवाह कमी झाल्याने शरीरातल्या पेशी मरतात. हे प्रामुख्याने कोरडेपणा, ओलसरपणा आणि गॅस अशा तीन प्रकारे परिणाम करते. यावरून मद्यपान हे आरोग्यासाठी धोकादायक असल्याचं दिसून येतं.