महिलेची हत्या करून मृतदेहाचे केले सहा तुकडे , प्लास्टिक च्या पिशवीत ठेवून जमिनीत पुरले 

गुल मोहम्मद च्या पत्नी ने पोलिसांना दिली माहिती

जोधपूर / नवप्रहार डेस्क

              ब्युटीशीयन असलेल्या ५०  वर्षीय महिलेचा मृतदेह छिन्नविच्छिन्न स्थितीत प्लास्टिक च्या पिशवीत जमिनीच्या आत पुरलेला आढळल्याने परिसरात खळबळ माजली आहे. गुल।मोहम्मद याच्या पत्नीने महिलेची हत्या तिच्या पतीने केल्याचे पोलिसांना सांगितले आहे. घटनेने महिलेच्या कुटुंबात शोककळा पसरली आहे.

आरोपीने आपल्या घराशेजारीच महिलेचा मृतदेह पुरला होता.  तसेच संशयित आरोपी गुल मोहम्मद यानेच हा खून केला असल्याचे आरोपीच्या पत्नीने सांगितले असून पोलीस गुल मोहम्मद नावाच्या आरोपीचा शोध घेत आहेत.

२८ ऑक्टोबर रोजी मृत महिला अनिता चौधरी बेपत्ता झाली होती. तिच्या ब्युटी पार्लर जवळून दुपारच्या दरम्यान ती हरवली. संध्याकाळपर्यंत घरी न परतल्यामुळे दुसऱ्या दिवशी तिचा पती मनमोहन चौधरीने जोधपूर पोलीस ठाण्यात तक्रार दाखल केली. पोलिसांच्या प्राथमिक चौकशीत गुलामुद्दीन उर्फ गुल मोहम्मदवर पोलिसांना संशय आला. अनिता चौधरी यांचे ब्युटी पार्लर असलेल्या इमारतीमध्येच गुलचेही दुकान आहे. दोघेही एकमेकांना ओळखत होते. पीडित महिलेच्या कॉल डिटेल्समधूनच पोलिसांना गुल मोहम्मदवर संशय आला होता.

सरदारपुरा पोलीस ठाण्यातील अधिकारी दिलीप सिंह राठोड यांनी सांगितले की, बेपत्ता होण्यापूर्वी अनिताने दुकानाबाहेरून रिक्षा पकडली होती. पोलिसांनी सदर रिक्षावाल्याचा शोध घेऊन चौकशी केली असता त्याने सांगितले की, पीडित महिलेला आरोपीच्या घराजवळ सोडले होते. पोलिसांनी जेव्हा आरोपी गुल मोहम्मदचे घर गाठले, तेव्हा गुल मोहम्मदची पत्नी घरी होती. तिने सांगितले की, ती तीन दिवस तिच्या बहिणीच्या घरी गेली होती.

बहिणीच्या घरून परतल्यानंतर मोहम्मदने तिला अनिताबद्दल सांगितले. तिला मारून तिचा मृतदेह प्लास्टिक पिशव्यात घराच्या मागे पुरला आहे. पोलिसांनी बुलडोझर बोलावून घराच्या मागे १२ फुटांचा खड्डा खणल्यानंतर त्यांना छिन्नविछिन्न अवस्थेतील मृतदेह आढळून आला.

मृत महिला अनिताच्या मुलाने सांगितले की, मोहम्मदने त्याच्या आईची फसवणूक करून तिचा खून केला. पीडित महिलेचा मृतदेह शवविच्छेदनासाठी पाठविण्यात आला आहे. तसेच पोलिसांनी जोधपूरमध्ये ठिकठिकाणी छापा टाकून आरोपीचा शोध सुरू केला आहे.