एसटी बसेसचा लोकार्पण सोहळा आमदार प्रतापदादा अडसड यांच्या हस्ते संपन्न
चांदुर रेल्वे येथे लवकरच प्रशस्त सर्व सुविधा युक्त बस स्थानक उभारणार.-आमदार प्रतापदादा अडसड
बस थांबा असताना सुद्धा बस न थांबत असल्याच्या अनेक तक्रारी ग्रामीण भागातील आहेत असे होता कामा नये प्रवाश्यांना योग्य वागणूक द्या.-आमदार प्रतापदादा अडसड
चांदूर रेल्वे / प्रतिनिधी
चांदूर रेल्वे बसस्थानकावर दाखल झालेल्या ५ नवीन बसेसचा लोकार्पण सोहळा आज आमदार प्रतापदादा अडसड यांच्या हस्ते संपन्न झाला. आजही ग्रामीण भागातील बहुतांशी प्रवाशी ये-जा करण्यासाठी वाहतूकीचे प्रभावी साधन म्हणून लालपरी बसला प्राधान्य देतात. म्हणूनच आपल्या मतदारसंघातील नागरिकांसाठी नवीन बसेस उपलब्ध करून द्याव्यात याकरीता परिवहन मंत्री महोदयांकडे आमदार प्रतापदादा अडसड सातत्याने पाठपुरावा करीत होते. या पाठपुराव्याला यश आले असून पहिल्या टप्प्यात नवीन ५ बसेस उपलब्ध झाल्या आहे. यामुळे आपल्या तालुक्यातील सार्वजनिक वाहतूक व्यवस्था आणखी बळकट होण्यास मदत होईल असे मत यावेळी आमदार प्रतापदादा अडसड यांनी व्यक्त केले. तसेच मागणी केलेल्या उर्वरीत बसेस देखील आपल्या एसटी डेपोच्या ताफ्यात लवकरच दाखल होणार आहेत अशे आश्र्वासित केले. या लोकार्पण सोहळ्याला जिल्हा नियंत्रक, आगार प्रमुख, मतदारसंघातील जेष्ठ मार्गदर्शक पदाधिकारी आणि कार्यकर्ते यांच्यासह परिवहन विभागाचे अधिकारी, कर्मचारी व प्रवासी उपस्थित होते.*l
