एक कार्यक्रम आणि ऑपरेशन कमळ पुन्हा चर्चेत

चिपळूणमध्ये दिवंगत नेते अजित पवार यांच्या जयंतीनिमित्त आयोजित वृक्षारोपण कार्यक्रमात प्रमोद जठार आणि भास्कर जाधव एकाच व्यासपीठावर आले होते. कार्यक्रमानंतर माध्यमांशी संवाद साधताना जठार म्हणाले की, भास्कर जाधव हे राज्यातील अनुभवी नेते असून त्यांच्या क्षमतेचा योग्य वापर होत नाही. उद्धव ठाकरे गटात त्यांना अपेक्षित जबाबदारी मिळत नसल्याचा दावा करत त्यांनी, “भास्कर जाधव यांची सत्तेत गरज आहे,” असे वक्तव्य केले.

यावेळी त्यांनी भविष्यातील राजकीय संकेत देणारे वक्तव्यही केले. “आज आम्ही दोघांनी एकत्र झाड लावले आहे, ते झाड भविष्यात चांगली फळे देईल,” असे म्हणत जठार यांनी सूचक टिप्पणी केली. त्यांच्या या विधानामुळे राजकीय वर्तुळात विविध चर्चांना उधाण आले आहे.