राजधानीत एक फुल दो माली मध्ये गेला एकाचा जीव 

नवी दिल्ली  / नवप्रहार डेस्क 

                    प्रेम त्रिकोणाचा अंत फार वाईट असतो. अश्या प्रकरणात तिघांपैकी एकाचा जीव जाणे निश्चित आहे.तशीच घटना देशाची राजधानी दिल्लीत घडली आहे. येथे प्रेम त्रिकोणातून एका व्यक्तीने दुसऱ्याच्या घरात घुसून त्याची हत्या केली आहे.मय्यत हा पेशाने मेकॅनिक होता.पश्चिम दिल्लीतील महिंद्रा पार्क परिसरात ही घटना घडली. मृताचं वय 33 वर्षे आहे.

पोलिसांनी दिलेल्या माहितीनुसार, मयत जाहिद मारेकऱ्याला ओळखत होता आणि प्रेमप्रकरणातून त्याचा जीव घेतला गेला. दोघांनाही एक महिला आवडायची. हत्येतील आरोपीचं नाव रवी असं आहे. एका महिलेवरून दोघांमध्ये भांडण झाल्याचा आरोप आहे. एका वृत्तसंस्थेनुसार, पोलिसांनी सांगितलं की, त्यांना महिंद्रा पार्क पोलीस स्टेशनमध्ये 4.30 वाजताच्या सुमारास चाकूहल्ला झाल्याचा पीसीआर कॉल आला. जाहिद आणि रवी एका महिलेला ओळखत होते, ही महिलाही हत्येच्या वेळी तिथे हजर होती, असं एका अधिकाऱ्याने सांगितलं.

एका वरिष्ठ पोलीस अधिकाऱ्याने सांगितलं की, ‘जाहिदने महिलेला रवीसोबत त्याच्या घरी पाहिलं होतं, त्यामुळे त्यांच्यात वाद झाला. यानंतर रवीने जाहिदवर चाकूने वार केल्याने त्याचा मृत्यू झाला. मात्र, यावेळी दोघांमध्ये बाचाबाची झाली, यात आरोपी रवीलाही काही जखमा झाल्या. रिपोर्टनुसार, त्याचा मित्र जाहिदवर चाकूने वार केल्यानंतर रवीने स्वतः पोलिसांना फोन केला होता.

अधिकारी म्हणाले, ‘रवीने स्वतः पोलिसांना फोन करून घटनेची माहिती दिली. मृत हा पेपर कटिंग मशिनचा मेकॅनिक होता. रवीवर सध्या रुग्णालयात उपचार सुरू आहेत. रवीसोबत महिलेचीही चौकशी करण्यात येणार असल्याचं पोलिसांनी सांगितलं.