मनिषा हवालदार हिने सांगितले असे नाव की CBI चे डोळे विस्फारले 

त्यांनी पेपर फोडल्याची कबुली दिली आहे. शिवाय कुणाच्या सांगण्यावरून आपण पेपर फोडला, त्याचा खुलासा देखील केला आहे. त्यामुळे आता या प्रकरणातील म्होरक्याचं नाव आता सीबीआयच्या हाती लागलं आहे. त्यामुळे आता संपूर्ण नीट परीक्षेवरच प्रश्नचिन्ह उपस्थित होत आहे.

नीट परीक्षा आयोजित करणाऱ्या ‘नॅशनल टेस्टिंग एजन्सी’च्या (NTA) पॅनलमधीलच एका उच्चपदस्थ अधिकाऱ्याच्या सांगण्यावरून आपण प्रश्नपत्रिका फोडल्याची धक्कादायक कबुली मनीषा हवालदार हिने दिली आहे. या कबुलीमुळे आता थेट परीक्षा घेणाऱ्या संस्थेचेच अधिकारी संशयाच्या भोवऱ्यात आले आहेत.फिजिक्स विषयाचे प्रश्न परीक्षेआधीच विद्यार्थ्यांना पुरवले

मनीषा हवालदारने सीबीआयसमोर दिलेल्या जबाबात स्पष्ट केलं आहे की, तिने परीक्षेच्या आधीच अनेक विद्यार्थ्यांना भौतिकशास्त्र विषयाचे प्रश्न आणि त्यांची उत्तरे मिळवून दिली होती. धक्कादायक बाब म्हणजे, हे गोपनीय प्रश्न तिने मनीषा मांढरे नावाच्या दुसऱ्या एका महिलेला थेट व्हॉट्सॲपवर पाठवले होते. मनीषा हवालदार ही मनीषा मांढरे आणि मनीषा वाघमारे या दोन्ही संशयितांच्या सतत संपर्कात होती आणि त्यांच्यात व्हॉट्सॲपवर पेपर फुटीबाबत अनेकदा सविस्तर चर्चा झाली होती.पुरावे नष्ट करण्यासाठी व्हॉट्सॲप चॅट्स केले डिलीट!

सीबीआयच्या हाती पुरावे लागू नयेत म्हणून मनीषा हवालदारने अत्यंत चलाखीने तिच्या मोबाईलमधील सर्व संशयास्पद व्हॉट्सॲप चॅट्स आणि डेटा डिलीट केला होता. मात्र, सीबीआयच्या सायबर तज्ज्ञांच्या मदतीने हा डिलीट केलेला डेटा रिकव्हर करण्याचे प्रयत्न सुरू आहेत.

गुन्ह्याचा सुगावा लागताच सीबीआयच्या पथकाने मनीषा हवालदार हिच्या घरावर छापा टाकला होता. या छापेमारीत सीबीआयच्या हाती मोठे पुरावे लागले आहेत. तिच्या घरातून भौतिकशास्त्र विषयाच्या अनेक मूळ आणि संशयास्पद प्रश्नपत्रिका, लॅपटॉप, मोबाईल आणि ६० हजार रुपयांची रोकड जप्त करण्यात आली आहे. जप्त करण्यात आलेल्या डिजिटल उपकरणांमधून आणखी किती विद्यार्थ्यांना पेपर पुरवला गेला, याची यादी मिळण्याची शक्यता आहे.‘त्या’ NTA अधिकाऱ्याचा शोध सुरू

मनीषा हवालदारच्या या खळबळजनक कबुलीनंतर सीबीआयने आता आपले लक्ष मुख्य सूत्रधाराकडे वळवले आहे. एनटीए (NTA) पॅनलमधील ज्या अधिकाऱ्याने मनीषाला पेपर फोडण्यास सांगितले, त्याचा शोध घेण्यासाठी सीबीआयची पथकं रवाना झाली आहेत. या बड्या अधिकाऱ्याला अटक केल्यानंतर देशव्यापी NEET पेपर फुटीच्या रॅकेटचं धागेदोरे पूर्णपणे उघड होण्याची शक्यता वर्तवली जात आहे. सीबीआयकडून या प्रकरणाचा पुढील तपास अत्यंत वेगाने सुरू आहे.