चाकूच्या धाकावर वस्तीगृहात राहणाऱ्या दोन अल्पवयीन मुलींवर बलात्कार 

                      जिल्ह्यातील एका वस्तीगृहात राहून महाविद्यालयीन शिक्षण घेणाऱ्या दोन अल्पवयीन विद्यार्थिनींवर दोन तरुणांनी चाकूच्या धाकावर बलात्कार केल्याची संतापजनक आणि धक्कादायक बाब समोर आली आहे. या घटनेने परिसरात खळबळ माजली आहे. पोलिसांनी या दोघींशी या तरुणांशी मैत्री करून देणाऱ्या तरुणीवर देखील गुन्हा दाखल केला आहे.

या प्रकरणात पीडितेच्या आईने दिलेल्या तक्रारीवरून गुन्हा दाखल करण्यात आला असून, दोन आरोपींना अटक करण्यात आली आहे. घटनेबाबत अधिक माहिती अशी की, या दोन अल्पवयीन मुली जिल्ह्यातील एका महाविद्यालयातील वस्तीगृहात शिक्षणासाठी राहत आहेत. पीडित मुलींवर दोन तरुणांनी चाकूचा धाक दाखवून आणि फोटो व्हायरल करण्याची धमकी देऊन अत्याचार केला. या प्रकरणी पीडित मुलींच्या आई-वडिलांनी दिलेल्या तक्रारीवरून गुन्हा दाखल करण्यात आला असून, दोन जणांना अटक करण्यात आली आहे.

विशेष म्हणजे या प्रकरणात पीडितेच्या मैत्रिणीनेच या दोन आरोपींची ओळख त्यांच्याशी करून दिली होती. या प्रकरणात तिच्यावर देखील गुन्हा दाखल करण्यात आला आहे.