आता तर हद्दच झाली राव ! भर रस्त्यावर महिलेवर बलात्कार 

घटनेचा व्हिडिओ सोशल मीडियावर होतोय व्हायरल 

उज्जैन ( मध्यप्रदेश )/ नवप्रहार डेस्क 

                    महिला वर्गावर होणाऱ्या अत्याचारा विरोधात देशात जवळपास प्रत्येक राज्यात निदर्शने आणि आंदोलने होत असताना या घटनेत कुठलीच घात होताना दिसत नाही. उलट दररोज कुठे न कुठे अश्या घटना घडत असल्याचा बातम्या वर्तमान पत्रात प्रकाशित होत असतात. पण मध्यप्रदेश मधील उज्जैन जी महाकाल नगरी  म्हणून प्रसिद्ध आहे. येथे तर माणुसकीच्या सर्व मर्यादा बासनात गुंडाळल्याचा प्रकार समोर आला आहे. येथे महिलेवर तिला दारू पाजून रस्त्याच्या बाजूलाच बलात्कार करण्यात आला आहे. मुख्य म्हणजे या घटनेचा व्हिडिओ सोशल मीडियावर व्हायरल झाला आहे.    बुधवारी संध्याकाळचा हा व्हिडिओ असल्याचे सांगितले जात आहे.

व्हायरल व्हिडिओमध्ये एक तरुण महिलेसोबत अश्लीलता करताना दिसत आहे. या घटनेचा व्हिडिओ समोर आल्यानंतर पोलिसांनी तत्काळ कारवाई करून आरोपीला अटक केली आहे.

पोलिसांनी दिलेल्या माहितीनुसार तरुणाने लग्नाचे आमिष दाखवून महिलेला दारू पाजली आणि नंतर तिच्यावर बलात्कार केला. बलात्कार केल्यानंतर तिला धमकावून त्याने पळ काढला. हा व्हिडिओ समोर आल्यानंतर पीडित महिलेला पोलिस ठाण्यात आणण्यात आले, तेथे ति्च्या तक्रारीवर पोलिसांनी गुन्हा नोंद करत तात्काळ कारवाई केली. पोलिसांनी आरोपी तरुणाला ताब्यात घेतले आहे. पीडित महिलेने सांगितले की, तरुण दारुच्या दुकानाजवळ भेटला होता. त्याने तिला लग्नाचे आमिष दाखवले, त्यानंतर तिच्यावर बलात्कार केला आणि धमकी देऊन पळून गेला. महिलेचा जबाब नोंदवून तिला वैद्यकीय तपासणीसाठी रुग्णालयात पाठवण्यात आले.

कोतवालीचे सीएसपी ओमप्रकाश मिश्रा यांनी सांगितले की, उज्जैनमधील कोयला फाटक येथील दारूच्या दुकानाजवळ बलात्काराची घटना घडली. या घटनेचा व्हिडिओ व्हायरल झाला असून या व्हिडिओची दखल घेत महिलेच्या तक्रारीवरून महिलेला पोलिस ठाण्यात आणून तात्काळ कारवाई करत आरोपीला ताब्यात घेण्यात आले.

या व्हायरल व्हिडिओवर काँग्रेसचे प्रदेशाध्यक्ष जीतू पटवारी यांची प्रतिक्रियाही समोर आली आहे. ‘एक्स’वर पोस्ट करत त्यांनी लिहिलं की, ‘धर्माची नगरी उज्जैन पुन्हा एकदा कलंकित झाली आहे. यावेळीही कायदा व सुव्यवस्थेच्या कपाळावर काळा टीळा लागला आहे. मुख्यमंत्र्यांच्या मूळ गावी अशी परिस्थिती असेल तर उर्वरित राज्यातील परिस्थिती सहज समजू शकते. दलित आणि आदिवासी महिलांवरील सततचे अत्याचाराची कल्पना करू शकता.

आदिवासी महिलेवर बलात्कार व हत्येचा प्रयत्न –

तेलंगणातील कुमुराम भीम आसिफाबाद जिल्ह्यातील जैनूर शहरात एका रिक्षाचालकाने आदिवासी महिलेवर बलात्कार व तिची हत्या करण्याचा प्रयत्न केल्याच्या निषेधार्थ आदिवासी संघटनांनी केलेल्या आंदोलनाला हिंसक वळण लागले. यामुळे जातीय तणाव निर्माण झाला असून प्रशासनाला संचारबंदी लागू करावी लागली आहे. अफवा आणि खोट्या बातम्यांचा प्रसार रोखण्यासाठी खबरदारीचा उपाय म्हणून जिल्हा प्रशासनाकडून जैनूर शहरात कलम १६३ बीएनएसएस अंतर्गत जमावबंदी आदेश जारी करण्यात आले असून या भागात इंटरनेट बंद करण्यात आले आहेत.