मानलं रे भावा ! ट्रॅक्टर पासून तयात केली बस

              सोशल मिडिया आल्या पासून टाकाऊ वस्तू पासून टिकाऊ वस्तू कश्या तयार करता येतात याचे भन्नाट आणि चक्रावून सोडणारे व्हिडिओ व्हायरल होत असतात.कधीकधी या व्हिडिओची दाखल प्रसिद्ध उद्योगपती आनंद महिंद्रा आणि काही आयपीएस , आयएएस अधिकाऱ्यांकडून घेतल्या जाते. आणि त्यांच्या कडून त्यांचे कौतुकही केल्या जाते. सध्या सोशल मीडियावर एक व्हिडिओ तुफान व्हायरल होत आहे. चला तर जाणून घेऊ या नेमके काय आहे ? या व्हिडिओत.

सोशल मीडियावर असे अनेक व्हिडिओ पाहायला मिळतात. ज्यामध्ये जगावेगळ्या जुगाडातून तरुण- तरुणींच्या कल्पकबुद्धीचे दर्शन घडते. सध्या अशाच एका व्हायरल व्हिडिओने सर्वांचे लक्ष वेधले आहे.

जुगाड करण्यात आपल्या भारतीयांचा हात कोणीच धरु शकत नाही. तरुण- तरुणी टाकाऊपासून टिकाऊ वस्तू, उपकरणे तयार करत असतात. ज्याचे भन्नाट, चक्रावून टाकणारे व्हिडीओ व्हायरल होत असतात. एकापेक्षा एक एक जबरदस्त आणि आश्चर्यचकित करणारे टॅलेंटचे या व्हिडिओंमधून दर्शन होत असते.

सध्या अशाच एका तरुणाच्या चक्रावून टाकणाऱ्या जुगाडाने नेटकऱ्यांचे लक्ष वेधले आहे. व्हायरल होत असलेल्या या व्हिडिओमध्ये तरुणाने चक्क जुन्या ट्रॅक्टरपासून बस तयार केली आहे. व्हिडिओ समोर आल्यानंतर तरुणाच्या या कल्पकतेला नेटकऱ्यांनीही सलाम केला आहे)

या व्हायरल व्हिडिओमध्ये तुम्ही पाहू शकता की, रस्त्यावर एक बस सुसाट वेगात धावताना दिसत आहे. मात्र ज्यावेळी या बसच्या पुढचा भाग दिसतो, त्यावेळी सगळेच थक्क होतात. कारण रस्त्यावर धावणाऱ्या या बसला पुढे मात्र ट्रॅक्टरचा भाग जोडण्यात आला आहे. पुढे ट्रॅक्टर अन् त्याला पाठीमागे जोडलेला बसचा भाग असाहा जुगाड करण्यात आला आहे.

विशेष म्हणजे या बसमध्ये १०-१२ प्रवासीही बसल्याचे दिसत आहे. ज्या ट्रॅक्टरवर जास्तीत जास्त ४ जण जाऊ शकतात. त्याच ट्रॅक्टरचा वापर करत आता १५- २० जण आरामात जाऊ शकतात.. अशी सोय या तरुणाने केली आहे.

सोशल मीडियावर हा व्हिडिओ समोर आल्यानंतर नेटकऱ्यांनी या इंजिनियर तरुणाच्या कल्पकतेला भरभरुन दाद दिली आहे. कमेंट्समध्ये अनेकांनी तरुणाच्या या जुगाडाचे कौतुक करत भारतात टॅलेंटची कमी नाही.तसेच काही नेटकऱ्यांनी हे टॅलेंट बाहेर जाता कामा नये, अशी मजेशीर कमेंटही केली आहे.